19.08.2026 | 23:01
Սանդրո Պերկովիչը հեռացավ «Նոայից»
Ո՞վ կփոխարինի Բորիս Ջոնսոնին. պայքարն արդեն սկսվել է
Քաղաքականություն
07.07.2022 | 17:01
Մեծ Բրիտանիայի վարչապետի աթոռի համար պայքարն արդեն սկսվել է, գրում է BBC-ի ռուսական ծառայությունը։
Ֆինանսների նախկին նախարար Ռիշի Սունակը շտապել է հեռանալ Ջոնսոնից՝ իր հրաժարականի նամակում ընդգծելով, որ նա և վարչապետը «հիմնարար տարաձայնություններ» ունեն տնտեսության ոլորտի վերաբերյալ։
Առաջինն իր հրաժարականի մասին հայտարարած Սաջիդ Ջավիդը՝ այժմ արդեն առողջապահության նախկին նախարարը, խոսել է այն խոչընդոտների մասին, որոնք ստիպված է եղել հաղթահարել՝ քաղաքականության վերին օղակներ մտնելու համար։
Ջոնսոնն արտոնյալ արիստոկրատ ընտանիքից է, և նրա նման կարիերային քաղաքական գործիչներին հաճախ են կշտամբում ընտրողների իրական կյանքին մոտիկից ծանոթ չլինելու համար:
Ջավիդն էլ հաճախ ընդգծում է, որ ինքն ավելի «պարզ» արմատներ ունի, մասնավորապես, սովորական դպրոց է հաճախել, այլ ոչ թե մասնավոր, և ծնված օրից չի շրջել էլիտար շրջանակում։
Իսկ Նադհիմ Զախավին, ում Ջոնսոնը կանցլեր է նշանակել Սունակի փոխարեն, թիկունքից հարվածել է վարչապետին՝ այսօր առավոտյան հայտարարելով, որ մնալ Բորիս Ջոնսոնի կողքին նշանակում է՝ սևացնել ինքն իրեն ու նվազեցնել իր իսկ շանսերը՝ դառնալ Պահպանողական կուսակցության առաջնորդ։
Գլխավոր դատախազ Սուելլա Բրեյվերմանը նույնպես հետաքրքրություն է հայտնել պետական բարձրագույն պաշտոնի նկատմամբ, շուտով մյուսները ևս կմիանան նրանց, ովքեր ցանկանում են առաջադրվել, ասվում է հրապարակման մեջ:
Տաթև Ֆռանգյան
