29.01.2026 | 23:44
Երևանում անձեռոցիկի արտադրամասի պահեստում բռնկված հրդեհը մեկուսացվել է
ԱԽ քարտուղար Արմեն Գրիգորյանն ու Մինսկի խմբի ֆրանսիացի համանախագահն ընդգծել են ԵԱՀԿ ՄԽ հովանու ներքո ԼՂ հիմնախնդրի համապարփակ կարգավորման անհրաժեշտությունը
Քաղաքականություն
28.06.2022 | 17:19
Աշխատանքային այցով Փարիզում գտնվող Անվտանգության խորհրդի քարտուղար Արմեն Գրիգորյանը հանդիպել է Մինսկի խմբի ֆրանսիացի համանախագահ Բրիս Ռոքվոյի հետ․ տեղեկացնում են ԱԽ գրասենյակից։
«Հանդիպման ընթացքում զրուցակիցները քննարկել և ընդգծել են ԵԱՀԿ Մինսկի խմբի համանախագահության հովանու ներքո Լեռնային Ղարաբաղի հիմնախնդրի համապարփակ ու տևական կարգավորման անհրաժեշտությունը:
Ա. Գրիգորյանը զրուցակցին է ներկայացրել տարածաշրջանային անվտանգային իրավիճակը, հնարավոր մարտահրավերներն ու դրանց լուծման ուղղությամբ հայկական կողմի տեսակետները:
ԱԽ քարտուղարը Բրիս Ռոքվոյին է ներկայացրել նաև հայ-ադրբեջանական հարաբերությունների կարգավորման բրյուսելյան գործընթացը,- ասված է հաղորդագրությունում։:
