17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Ռուսաստանում 100 տարվա ընթացքում առաջին անգամ արտաքին պարտքի դեֆոլտ է գրանցվել․ Bloomberg
Քաղաքականություն
27.06.2022 | 11:47
Հունիսի 27-ի գիշերը Ռուսաստանում 1918 թվականից ի վեր առաջին անգամ արտաքին պարտքի դեֆոլտ է գրանցվել, քանի որ ավարտվել է պետական պարտատոմսերի շուրջ 100 միլիոն դոլարի ժամկետանց վճարումների արտոնյալ ժամկետը, հաղորդում է Bloomberg-ը:
Դեֆոլտի մասին պաշտոնական հայտարարություն չի լինի, քանի որ դա սովորաբար անում են միջազգային ռեյտիգային գործակալությունները, սակայն դրանք դադարեցրել են իրենց գործունեությունը Ռուսաստանում։
Սա Ռուսաստանի առաջին դեֆոլտն է արտաքին պարտքի գծով 1918 թվականից ի վեր, երբ բոլշևիկները հրաժարվեցին ցարական ռեժիմի պարտքերից, գրում է Bloomberg-ը։
Ապրիլին ԱՄՆ գանձապետարանը չերկարաձգեց ժամանակավոր լիցենզիան, որը բացառություն էր անում պատժամիջոցներից և թույլ էր տալիս ռուսական պարտատոմսերի սեփականատերերին վճարումներ ստանալ Ռուսաստանից։ Այս լիցենզիայի ժամկետը լրացել է մայիսի 25-ին։ Մայիսի 27-ի երեկոյան ռուսական եվրապարտատոմսերի սեփականատերերը գրեթե 100 մլն դոլարի արժեկտրոնային վճարումներ չեն ստացել, որից հետո սկսվել է 30 օրյա հետհաշվարկը՝ մինչև այդ վճարումների դեֆոլտի հայտարարումը։
Տաթև Ֆռանգյան
