08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԲԴԽ-ն պաշտոնանկ արեց Վարդազարյանին․ Քերոբյանը՝ ՀՀ լաստանավի աշխատանքի հետաձգման մասին․ Լուրեր
Քաղաքականություն
23.06.2022 | 18:15
- ԲԴԽ-ն դադարեցրել է ԲԴԽ լիազորությունները կասեցված նախագահ, դատավոր Ռուբեն Վարդազարյանի լիազորությունները՝ էական կարգապահական խախտման հիմքով։ Քիչ առաջ որոշումը հրապարակվեց ԲԴԽ նիստում, այն ընթերցել է ԲԴԽ նախագահի պաշտոնակատար Գագիկ Ջհանգիրյանը։ Վարույթի հարուցման հիմք է հանդիսացել Վարդազարյանի հարցազրույցը, որում նա անդրադարձել է ՍԴ որոշմանը՝ Գագիկ Ջհանգիրյանի՝ ԲԴԽ անդամ ընտրվելու դիմումի առնչությամբ։
- Էկոնոմիկայի նախարար Վահան Քերոբյանը հայտարարել է, որ Ռուսաստանին ուղղված պատժամիջոցները խոչընդոտում են հայկական լաստանավի գործարկմանը: Քերոբյանը խոսել է նաև Լարսի անցակետի իրավիճակի մասին ու նշել է, որ Ռուսաստանի կառավարության կողմից մաքսային հսկողության նոր գոտու բացումը թույլ է տալու 30 տոկոսով մեծացնել անցակետի թողունակությունը։
- ՀՀ ԶՈՒ զորամասերից մեկի հրաձգային վաշտի զինծառայողների ներգրավմամբ հունիսի 23-ին մեկնարկել է մարտավարական զորավարժություն՝ մարտական հրաձգությամբ։ Նպատակն է մարտական իրադրությանն առավել մոտեցված պայմաններում վաշտի ներդաշնակման կատարելագործումը։
Այս ժամի լուրերը՝ տեսանյութում։
