24.03.2026 | 11:05
Ալեն Սիմոնյանի ճեպազրույցը՝ ՈՒՂԻՂ
ԲԴԽ-ում բոլորը պետք է հրաժարական տան՝ 3 օրվա լռության համար․ Նինա Կարապետյանց․ ՏԵՍԱՆՅՈՒԹ
Հասարակություն
23.06.2022 | 12:26
«ԲԴԽ բոլոր անդամները երեք օրվա լռության համար ամբողջ կազմով պետք է հրաժարական տան»,- «Դատաիրավական համակարգի բարեփոխումներ, որոնք այդպես էլ տեղի չեն ունենում. ինչո՞ւ» թեմայով քննարկման ժամանակ այս մասին նշեց «Հելսինկյան ասոցիացիա» ՀԿ-ի նախագահ Նինա Կարապետյանցը:
Հիշեցնենք՝ օրեր առաջ Ռուբեն Վարդազարյանն աղմկահարույց ձայնագրություն հրապարակեց ԲԴԽ նախագահի պաշտոնակատար Գագիկ Ջհանգիրյանի հետ զրույցից՝ պնդելով, որ իրենից պահանջվել է հրաժարական տալ:
Կարապետյանցի խոսքով՝ միշտ էլ նման իրավիճակներ եղել են, երբ կանչել, ասել են՝ կա՛մ դիմում ես գրում, կա՛մ վրադ քրեական գործ ենք հարուցում:
Իրավապաշտպանի կարծիքով՝ շատ կարևոր է ստեղծված իրավիճակում ԲԴԽ-ի վարքագիծը, արձագանքը. «Բա ԲԴԽ-ն ո՞ւր է, բա ԲԴԽ գիտնական անդամներն ո՞ւր են: Գիտնական անդամն ասում է՝ ես խնդիր չեմ տեսնում, մենք խոսել ենք, մասնավոր զրույց է: Ենթադրում եմ, որ էլի հացի սեղանի շուրջ են խոսել Ջհանգիրյանի հետ, հարցեր տվել, պատասխանել, որ իրենց համար ամեն ինչ նորմալ է:
Այն միֆերը, որոնցով կերակրեցին մեզ տարբեր ոլորտներում փոփոխությունների մասին, ճգնաժամերը հաղթահարելու մասին՝ այդ թվում ԲԴԽ ճգնաժամը հաղթահարելու մասին, տոտալ միֆ էր, և ջարդվեց նրանով, որ երկու-երեք օրն է՝ այդ դեպքը եղել է:, և պարզվում է՝ ԲԴԽ-ն չկա, ԲԴԽ-ում չկա մեկ հոգի, որն ասի՝ նորմալ չէ այս վարքագիծը:
Լավ, չես կարողանո՞ւմ երեք հոգի հավաքես, որ գործընթաց սկսես: Նախ պիտի բոլորը հրաժարական տան: Այսօրվա ԲԴԽ բոլոր անդամները երեք օրվա լռության համար ամբողջ կազմով պետք է հրաժարական տան… Մեկը գոնե չկա՝ մանդատը շպրտի, ասի՝ այս խուլիգանական, իր կարգավիճակին համապատասխանող կառույցում չեմ պատրաստվում աշխատել»:
Մանրամասները՝ տեսանյութում:
