08.12.2025 | 10:40
Որքան կտևի Կասկադ համալիրի վերակառուցումը. քաղաքապետարանի խորհրդականը մանրամասներ հայտնեց․ ՏԵՍԱՆՅՈՒԹ
Թբիլիսիի կենտրոնական նրբանցքներից մեկը կկրի Սերգեյ Փարաջանովի անունը
Մշակույթ
17.06.2022 | 23:21
Թբիլիսիի Մթածմինդա թաղամասերից մեկն այսուհետ կկրի ականավոր կինոռեժիսոր, սցենարիստ և նկարիչ Սերգեյ Փարաջանովի անունը։
«Գրուզիա օնլայն»-ի հաղորդմամբ՝ այսօր փողոցի բացմանը ներկա են եղել Թբիլիսիի սակրեբուլոյի պատգամավորները, արվեստի ներկայացուցիչներ, Փարաջանովի ընկերներն ու հարազատները։
Թբիլիսիի Սակրեբուլոյի փոխնախագահ, Մթածմինդայի մեծամասնական պատգամավոր Զուրաբ Աբաշիձեի խոսքով՝ կարևոր է, որ յուրաքանչյուր թբիլիսցի, երիտասարդություն և ապագա սերունդ միշտ հիշի փայլուն ռեժիսոր Սերգո Փարաջանովին։
«Յուրաքանչյուր թբիլիսցու, մեր երիտասարդության և հաջորդ սերնդի համար շատ կարևոր է միշտ հիշել մեր մայրաքաղաքում մեծացած այս փայլուն արվեստագետին և գնահատել նրա մեծ ներդրումը վրացական արվեստի զարգացման գործում:
Սերգո Փարաջանովն իր ինքնատիպ ոճով, բազմազանությամբ և ոչ ստանդարտ մոտեցումներով հպարտությամբ է զբաղեցրել իր տեղը կինոաշխարհում։ Թբիլիսիի քաղաքային խորհուրդն ու քաղաքապետարանն անում են ամեն ինչ նրա անունը հավերժացնելու համար։ Այսօրվա միջոցառումը դրա վառ օրինակն է»,- ասել է Աբաշիձեն:
