08.06.2026 | 10:50
Ֆլորենտինո Պերեսը վերընտրվել է «Ռեալի» նախագահի պաշտոնում․ ՏԵՍԱՆՅՈՒԹ
Ամռանը մեծանում է կապիկի ծաղիկով վարակման ռիսկը․ ԱՀԿ
Քաղաքականություն
16.06.2022 | 14:45
Եվրոպան շարունակում է նմալ Աֆրիկայի սահմաններից դուրս կապիկի ծաղիկ հիվանդության բռնկման էպիկենտրոն։ Տարածաշրջանում արդեն հայտնաբերվել է ավելի քան 1500 հիվանդ, ինչը կազմում է աշխարհում վարակման դեպքերի 85%-ը, գրում է Euronews-ը։
Իսկ ամառային շրջանը, որը Եվրոպայում հարուստ է ավանդական փառատոններով և շքերթներով, ըստ ԱՀԿ-ի, կարող է միայն սրել իրավիճակը։
Կապիկի ծաղիկը վիրուսային ինֆեկցիա է, որը դեպքերի մեծ մասում դրսևորվում է ցանավորման ու տենդի տեսքով։ Հիվանդությունը հիմնականում փոխանցվում է սերտ շփման միջոցով օդակաթիլային ճանապարհով և աղտոտված առարկաների միջոցով: Ըստ ԱՀԿ-ի՝ վարակը միջոցառումները չեղարկելու պատճառ չէ, սակայն դրանք մեծացնում են վարակվելու վտանգը։
Հիվանդության հետագա տարածումից խուսափելու համար զանգվածային միջոցառումների մասնակիցներին խորհուրդ է տրվում ախտանշանների ի հայտ գալու դեպքում ինքնամեկուսանալ։
Միաժամանակ, Աֆրիկայում վրդովված են ԱՀԿ-ի դիրքորոշմամբ։ Մի շարք փորձագետներ անարդար են համարում երկու տարածաշրջաններում կապկի ծաղկի դեմ պայքարում խտրական մոտեցումը։ Աֆրիկյան մայրցամաքում հիվանդությունն այս տարի արդեն 70-ից ավելի կյանք է խլել:
Տաթև Ֆռանգյան
