07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Լավրովը մեկնում է Բաքու Ալիևի հետ հանդիպման․ 2021-ին ՀՀ ռազմական ծախսերը կատարվել են 99,9%-ով․ Լուրեր
Քաղաքականություն
15.06.2022 | 15:39
- ԿԲ նախագահ Մարտին Գալստյանը Ազգային ժողովում հայտարարել է, որ դոլարի և եվրոյի արժեզրկումը պայմանավորված է միջազգային այցելուների հոսքով Հայաստան և արտաքին պահանջարկի ավելացմամբ։ Նրա խոսքով՝ այն արտահանողները, ովքեր զբաղված են ՌԴ արտահանումներով, ստեղծված իրավիճակում բացարձակ շահում են։
- ԱԺ պաշտպանության և անվտանգության հարցերի հանձնաժողովի ղեկավար Անդրանիկ Քոչարյանն ասել է, որ 2021-ին ռազմական ծախսերի կատարողականը 99,9 % է։ Նա նշել է, որ պետբյուջեի փաստացի ծախսերի 16.8 տոկոսը կամ 336 մլրդ դրամը 2021-ին տրամադրվել է պաշտպանությանը։
- ՌԴ ԱԳ նախարար Սերգեյ Լավրովը հունիսի 23-24-ն աշխատանքային այց կկատարի Ադրբեջան։ Սպասվում են Լավրովի հանդիպումներն Ադրբեջանի նախագահ Իլհամ Ալիևի և ԱԳ նախարար Ջեյհուն Բայրամովի հետ։ Հավելենք, որ Լավրովն ավելի վաղ այցելել էր Հայաստան, ինչպես նաև Թուրքիա։
Այս ժամի լուրերը՝ տեսանյութում։
