14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Լավրովը և Թիլերսոնը հեռախոսազրույցի ընթացքում քննարկել են սիրիական ճգնաժամի կարգավորման հարցերը
Քաղաքականություն
27.06.2017 | 11:03
Հունիսի 26-ին ամերիկյան կողմի նախաձեռնությամբ հեռախոսազրույց է տեղի ունեցել ՌԴ արտգործնախարար Սերգեյ Լավրովի և ԱՄՆ պետքարտուղար Ռեքս Թիլերսոնի միջև: Այս մասին հաղորդվում է ՌԴ ԱԳ նախարարության կայքում:
Հեռախոսազրույցի ընթացքում քննարկվել են սիրիական ճգնաժամի կարգավորման հարցերը:
Արտաքին քաղաքական գերատեսչությունների ղեկավարները խոսել են հրադադարի ռեժիմի ամրապնդման անհրաժեշտության մասին՝ Աստանայի գործընթացի, ահաբեկչական խմբավորումների դեմ պայքարի ուժեղացման և քիմիական թունավոր նյութերի կիրառման փորձերը կասեցնելու միջոցով:
Լավրովը հորդորել է ԱՄՆ-ին միջոցներ ձեռնարկել Սիրիայի կառավարական զորքերի նկատմամբ սադրանքներ թույլ չտալու համար, որոնք պայքարում են ահաբեկիչների դեմ:
Զրուցակիցները պայմանավորվել են շարունակել շփումները, այդ թվում՝ երկկողմ օրակարգի հարցերի շուրջ:
