10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Ուկրաինայում պատերազմի 100 օրվա ընթացքում ՌԴ-ն գրեթե 100 միլիարդ դոլար է ստացել նավթի և գազի վաճառքից
Քաղաքականություն
13.06.2022 | 17:27
Ուկրաինայում պատերազմի առաջին 100 օրվա ընթացքում Ռուսաստանն էներգակիրների արտահանումից 98 մլրդ դոլար է վաստակել, գրում է BBC-ի ռուսական ծառայությունը։
Մատակարարումների հիմնական մասն իրականացվել է ԵՄ երկրներ, ասվում է Էներգետիկայի և մաքուր օդի ուսումնասիրությունների ֆիննական կենտրոնի (CREA) զեկույցում։
Հետազոտության համաձայն՝ ԵՄ-ին բաժին է ընկել ռուսական արտահանման 61 տոկոսը, որը դրամական արտահայտությամբ կազմել է 60 մլրդ դոլար։ Հիմնական սպառող երկրներն են Գերմանիան (վճարված 12,1 մլրդ) և Իտալիան (7,8 մլրդ)։
ԵՄ-ից դուրս ռուսական նավթի ու գազի գլխավոր ներկրողը Չինաստանն է՝ 12,6 մլրդ դոլար։
Հունիսի սկզբին ԵՄ-ն համաձայնեցրեց գրեթե ամբողջությամբ ռուսական նավթի ներկրումը դադարեցնելու հարցը, ինչպես նաև պատրաստ է մինչև այս տարեվերջ ռուսական գազի սպառումը կրճատել երկու երրորդով՝ չնայած Եվրոպայի մեծ կախվածությանը ռուսական էներգառեսուրսներից:
Էմմա Չոբանյան
