22.11.2024 | 22:59
Փաշինյանը հաստատեց՝ պաշտոնյաները SMS-ով են հրաժարականի ցուցում ստացել. ՏԵՍԱՆՅՈՒԹ
Եթե դրամն արժևորվել է, ինչո՞ւ գները չեն իջնում․ ԿԲ նախագահի պարզաբանումը․ ՏԵՍԱՆՅՈՒԹ
Տնտեսություն
13.06.2022 | 13:53
«Տարադրամի արժեզրկման պատճառով շատ տնտեսվարողների մոտ՝ արտահանողներ, վերամշակողներ, զբոսաշրջային ընկերություններ, ՏՏ ոլորտի տնտեսվարողներ, և այլն, դրսում պայմանագրեր ունեն կնքված, հիմա լուրջ խուճապ է նրանց մոտ, ի՞նչ սպասեն, և եթե դրամն այդքան արժևորվել է, ինչո՞ւ գնաճը չի մեղմվում, այլ հակառակն է տեղի ունենում»,- ԱԺ ֆինանսավարկային և բյուջետային հարցերի մշտական հանձնաժողովի նիստում դիմելով Կենտրոնական բանկի նախագահ Մարտին Գալստյանին՝ հետաքրքրվեց «Քաղաքացիական պայմանագիր» խմբակցության պատգամավոր Արուսյակ Մանավազյանը:
«Իհարկե, մեզ շրջապատող կամ գործընկեր երկրներում գնաճի ցուցանիշը շատ ավելի բարձր է, քան Հայաստանում, սակայն պետք է հասկանանք, որ սպառողական գների ինդեքսի 9% աճը ենթադրում է, որ առաջին անհրաժեշտության ապրանքների գնաճը շատ ավելի բարձր է։Փոխարժեքը ձևավորվում է շուկայում առաջարկի-պահանջարկի հիման վրա, այսինքն՝ ԿԲ-ն որևէ ազդեցություն փոխարժեքի ձևավորման վրա չունի, որովհետև ԿԲ-ն ազդեցություն է ունենում այն դեպքում, երբ ԿԲ-ն արտարժույթ վաճառեր։ Մենք արել ենք հակառակը՝ տարվա ընթացքում մոտ 100 միլիոն դոլարին համարժեք արտարժույթ ենք ձեռք բերել շուկայից, ու դա արել ենք մեր մանդատի ներքո… Մենք ինտերվենցիաներ արել ենք միայն այն դեպքում, երբ շուկայում նկատել ենք շուկայական մեխանիզմների որոշակի խեղաթյուրումներ»,- նշեց Գալստյանը։
ԿԲ նախագահի խոսքով՝ փոխարժեքը ձևավորվում է շուկայում ազատ առաջարկի և պահանջարկի հիման վրա: «ԿԲ-ին հորդորում են արհեստական մտնի շուկա, միջամտի և արժեզրկի ազգային արժույթը, որը միգուցե կօգնի տնտեսվարողների որոշակի խմբին, մասնավորապես՝ արտահանողներին, բայց պետք է հասկանալ, թե դրա համար ով է վճարելու։ Դրա համար վճարելու է լայն հասարակությունը, որովհետև փոխարժեքն այսօր պայմանական լինի այսօրվա փոխարժեքից որոշակի բարձր, կունենանք գնաճի շատ ավելի բարձր մակարդակ,ինչն անխուսափելիորեն հանգեցնելու է մեր հայրենակիցների կենսամակարդակի ավելի նվազման, մասնավորապես այն հայրենակիցների, ովքեր տնտեսապես շատ զգայուն են»,- ասաց ԿԲ նախագահը՝ ներկայացնել հնարավոր լուծումներ:
Գալստյանի խոսքով՝ ԿԲ գործիքակազմն ազդում է ամբողջական պահանջարկի վրա և չունի նյուանս մոտեցումներ՝ ազդելու այս կամ այն խմբի շահերը սպասարկելու տեսանկյունից։ «Եթե մենք արհեստականորեն արժեզրկենք դրամը ու մեր մանդատին դեմ գնանք, մտնենք շուկա, ձեռք բերենք արտարժույթ, մենք կբախվենք գնաճի ևս մեկ ալիքի հետ, որը կհարվածի բոլորին»։
ԿԲ նախագահը նաև ընդգծեց, որ եթե ԿԲ-ն արհեստականորեն արժեզրկի դրամը, ապա գնաճն ավելի բարձր կլինի:
Մանրամասները՝ տեսանյութում:
