28.07.2026 | 16:57
Սպասվում է առանց տեղումների եղանակ
Մեծ Բրիտանիայի ՊՆ ղեկավարը Կիև է ժամանել
Քաղաքականություն
10.06.2022 | 17:25
Մեծ Բրիտանիայի պաշտպանության նախարար Բեն Ուոլեսն այսօր՝ հունիսի 10-ին ժամանել է Կիև և հանդիպել նախագահ Վլադիմիր Զելենսկիի հետ։ Այս մասին Զելենսկին հայտնել է իր Telegram ալիքում, փոխանցում է Korrespondent-ը։
Նա շնորհակալություն է հայտնել Ուոլեսին և նրա թիմին այցի համար, ինչպես նաև Մեծ Բրիտանիայի կառավարությանը, վարչապետին՝ օգնության համար։
«Զենք, ֆինանսներ, պատժամիջոցներ․ երեք բան, որոնցով Մեծ Բրիտանիան հետևողականորեն ցույց է տալիս իր առաջնորդությունը Ուկրաինային աջակցելու հարցում: Մենք գնահատում ենք իրական, միասնական աշխատանքը, երբ խոսքը և շփումը վերածվում են գործողությունների»,- գրել է Զելենսկին:
Նա նաև տեսանյութ է հրապարակել բանակցություններից՝ ընդգծելով, որ Մեծ Բրիտանիան «իսկական ընկեր» է։
Իր հերթին, Ուոլեսն ասել է, որ Ուկրաինայի և Մեծ Բրիտանիայի պատմության մեջ «շատ ընդհանրություններ» է տեսնում։
Բրիտանացի պաշտոնյան նաև ընդգծել է, որ Ուկրաինայի զինված ուժերն ի վիճակի են Ռուսաստանին դուրս մղել Դոնբասից, իսկ «հակառակորդի ռազմական ռեժիմը սպառման եզրին է»։
