20.11.2024 | 13:19
ԱՄՆ-ը մեկ օրով փակել է Կիևում իր դեսպանատունը՝ հարձակման սպառնալիքի պատճառով
Ադրբեջանական մեքենաները մեր ճանապարհը օգտագործելիս խնդիր չեն ունենա. դա միջանցք չի լինի. Քոչարյան․ ՏԵՍԱՆՅՈՒԹ
Քաղաքականություն
10.06.2022 | 15:18
«Տրանսպորտային հաղորդակցության ապաշրջափակման դեպքում Հայաստանի ինքնիշխանությունը վտանգող որևէ բան չպետք է տեղի ունենա»,- ԱԺ-ում լրագրողների հետ զրույցում այս մասին հայտարարեց «Քաղաքացիական պայմանագիր» խմբակցության պատգամավոր Անդրանիկ Քոչարյանը` մանրամասնելով Ռուսաստանի ԱԳ նախարար Սերգեյ Լավրովի հայտարարությունը:
Նշենք, որ երեկ Լավրովն հայտարարել էր, որ երկաթուղային և տրանսպորտային հաղորդակցության ապաշրջափակման հիմքում Հայաստանի Հայաստանի տարածքային ինքնիշխանության պահպանումն է լինելու, նրա խոսքով` ճանապարհը գործելու է պարզեցված ռեժիմով։
«Ճանապարհային կոմումիկացիաները պետք է գործեն, և մենք դրան դեմ չպետք է լինենք: Նրանց տրանսպորտային միջոցները մեր ճանապարհը օգտագործելիս խնդիր չեն ունենա, բայց դա միջանցք չի լինի»,- պարզաբանեց Քոչարյանը՝ հավելելով, որ Լավրովը չի ասել, որ հիմա պետք է միջանցքի խնդիր լուծվի:
Անդրադառնալով հարցին, թե ինչ է նշանակում պարզեցված ռեժիմը, Քոչարյանը պատասխանեց, թե դա նշանակում է` մեքենաները, անցնելով համապատասխան ընթացակարգերը, Ա կետից Բ կետը կհասնեն, և դրա մեջ մտնում է մաքսային, սահմանապահ ծառայությունների աշխատանքը։
Մանրամասները՝ տեսանյութում:
