05.08.2026 | 17:29
«Մանկապարտեզի ու համայնքապետարանի լուսավորության վրա հավելագրումներ են գտել․ փա՞յ եք մեջը»․ Ղազինյան․ ՏԵՍԱՆՅՈՒԹ
ՃՏՊ Երևան-Սևան ճանապարհին․ մեքենաներից մեկը սահել է ձորը
07.06.2022 | 09:46
Հունիսի 7-ին, ժամը 03։10-ին Կոտայքի մարզային ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ «Չայնիի ոլորաններ» կոչվող հատվածում տեղի է ունեցել ՃՏՊ. անհրաժեշտ է փրկարարների օգնությունը. տեղեկացնում են ՀՀ ԱԻՆ-ից։
Դեպքի վայր է մեկնել ԱԻՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Պարզվել է, որ Երևան-Սևան ավտոճանապարհի 26-րդ կմ-ին բախվել են «BMW» (վարորդ՝ Ս․ Ղ․, ծնված 1990 թ.) և «Ford Transit» (վարորդ՝ Գ․ Գ․, ծնված 1985 թ.) մակնիշների ավտոմեքենաները, ինչի հետևանքով «Ford Transit» մակնիշի ավտոմեքենան դուրս է եկել ճանապարհի երթևեկելի հատվածից և սահել ձորը, վարորդը տեղում զոհվել է:
Փրկարարները հոսանքազրկել են ավտոմեքենաները, Գ․ Գ․-ի դին դուրս են բերել ձորից (մոտ 300 մ) և մոտեցրել դի տեղափոխող մեքենային:
