Ազգերի Լիգայի գավաթի խաղարկությունում տեղի ունեցան A դիվիզիոնի հերթական կենտրոնական հանդիպումները. գրում է armsport-ը:
Նիդեռլանդները 4-1 հաշվով հաղթեց Բելգիային։ Դուբլի հեղինակ դարձավ Մեմֆիս Դեպայը, մեկական անգամ էլ աչքի ընկան Սթիվեն Բերգվեյնը և Դենզել Դյումֆրիսը։ Բելգիացիների միակ գոլը ավելացված ժամանակում խփեց Միշի Բաչուային։
Ֆրանսիան 1-2 հաշվով զիջեց Դանիային։ 51-րդ րոպեին Կարիմ Բենզեման բացեց հաշիվը։ 68-րդ րոպեին Անդրեաս Կոռնելիուսը վերականգնեց հաշվի հավասարությունը, իսկ 89-րդ րոպեին նույն Կոռնելիուսը դարձավ դուբլի հեղինակ՝ հաղթանակ պարգևելով սկանդինավներին։
Խորվաթիայի հավաքականը 0-3 հաշվով պարտվեց Ավստրիային։ Գոլի հեղինակ դարձան Մարկո Առնաուտովիչը, Միխաել Գրեգորիչը և Մարսել Զաբիտցերը։
