08.12.2025 | 13:11
Վերաքննիչ դատարանում Միքայել արքեպիսկոպոս Աջապահյանի գործով առաջին նիստը կգումարվի
Դատախազությունը 5,7 մլրդ է պահանջում Մայրապետյանից․ ՀՀ ՊՆ-ն հերքում է Բաքվի մեղադրանքը․ Լուրեր
Քաղաքականություն
03.06.2022 | 13:05
- ՀՀ ՊՆ-ից հայտնել են, որ Ադրբեջանի ՊՆ հաղորդագրությունն այն մասին, թե հունիսի 2-ի երեկոյան և գիշերը ՀՀ ԶՈՒ ստորաբաժանումները տարբեր տրամաչափի հրաձգային զինատեսակներից և նռնականետերից կրակ են բացել հայ-ադրբեջանական սահմանի արևելյան հատվածում տեղակայված ադրբեջանական դիրքերի ուղղությամբ՝ հերթական ապատեղեկատվությունն է։ ՀՀ ՊՆ-ից տեղեկացնում են, որ իրադրությունը հայ-ադրբեջանական սահմանին հարաբերականորեն կայուն է։
- Հունիսի 2-ին ՀՀ ԶՈՒ զորամիավորումներից մեկում անցկացվել է ցուցադրական զորավարժություն՝ մարտական հրաձգությամբ։ Ըստ զորավարժության սցենարի՝ հրետանային ստորաբաժանումները վարել են պաշտպանական մարտ, անցել հակահարձակման, այլ ստորաբաժանումների օժանդակությամբ ոչնչացրել պայմանական հակառակորդի կրակակետերն ու բարելավել զբաղեցրած դիրքերը։
- Գլխավոր դատախազության պետական շահերի պաշտպանության վարչությունը հայցադիմում է ներկայացրել դատարան՝ գործարար Սամվել Մայրապետյանից և Գ. Հակոբջանյանից՝ համապարտության կարգով, հօգուտ ՀՀ պետական բյուջեի, 5.678.764.260 ՀՀ դրամ բռնագանձելու պահանջով:
- Արտարժույթը Հայաստանում շարունակում է էժանանալ։ Բանկերում դոլարի գնման գինը այսօր իջել է մինչև 432 դրամ, իսկ վաճառքի գինը եղել է 441-449 դրամ։ Եվրոն նույնպես էժանացել է, իսկ ռուբլին համեմատաբար կայուն է։
Այս ժամի լուրերը՝ տեսանյութում։
