20.04.2026 | 14:13
ՌԴ ԱԴԾ-ն հայտարարել է Գերմանիայի քաղաքացու ձերբակալման մասին՝ ահաբեկչություն նախապատրաստելու մեղադրանքով
Գրիգորյանը՝ Արցախի կարգավիճակը ճշտելու, Սաղաթելյանը՝ կարևոր հանգրվանի հասնելու մասին․ Լուրեր
Քաղաքականություն
02.06.2022 | 15:51
- ԱԽ քարտուղար Արմեն Գրիգորյանը հայտարարել է, որ Արցախի կարգավիճակը պետք է բխի Արցախի անվտանգության և ժողովրդի իրավունքների հարցից։ Նա խոսել է նաև Հայաստանի և Ադրբեջանի միջև սահմանների ճշգրտման մասին ու ասել, որ Երևանի ու Բաքվի դիրքորոշումներում կան տարաձայնություններ, որոնք հարթելու համար էլ անցկացվում են բանակցություններ։ Ադրբեջանցիների կրակոցից հայ զինծառայողի սպանության մասին հարցին Գրիգորյանը պատասխանել է, որ սահմանին ցանկացած լարում բացասաբար է ազդում գործընթացի վրա։
- Նա անդրադարձել է նաև այն հարցին, թե ինչու է սահմանազատման և սահմանային անվտանգության վերաբերյալ Հայաստանի հանձնաժողովի անդամների թվաքանակը գրեթե կրկնակի պակաս Ադրբեջանի հանձնաժողովի անդամների թվից։ Գրիգորյանը նշել է, որ թվաքանակը որևէ մեծ նշանակություն չունի։ Հարցին, թե ինչու այդ հանձնաժողովում ոլորտի մասնագետներ չկան, Գրիգորյանն ասել է, որ մասնագետների հետ մինչ այս քննարկումներ ունեցել են։
- Դիմադրության շարժման առաջնորդներից Իշխան Սաղաթելյանն այսօր հայտնել է, որ պայքարը հասել է կարևոր հանգրվանի, և մինչև վաղվա ԱԺ արտահերթ նիստը պարզ կլինի, թե ով է միացել ընդդիմության պայքարին։ Նա նշել է, որ բոլորը դեռ ժամանակ ունեն։
Այս ժամի լուրերը՝ տեսանյութում։
