16.04.2026 | 15:16
Ամերիկյան ընկերությունը դատի է տվել Մեսիին
Փաստը, որ Փաշինյանի այլընտրանքը փողոցի ընդդիմությունն է, երաշխիքն է վարչապետի քաղաքական անվտանգության․ Արման Գրիգորյան․ ՏԵՍԱՆՅՈՒԹ
Քաղաքականություն
25.05.2022 | 22:02
«Վտանգներով հղի է Ղարաբաղի հարցով հնարավոր լուծման փաթեթային տարբերակը, եթե Արցախը դե յուրե Ադրբեջանի մաս դառնա, և Հայաստանը ճանաչի Ադրբեջանի սուվերենությունն Արցախի վրա։ Դա վտանգներով հղի լուծում է, հատկապես՝ հղի է ներքաղաքական վտանգներով»,- Factor TV-ի հարցազրույցում ասում է ԱՄՆ Լիհայի համալսարանի պրոֆեսոր, քաղաքագետ Արման Գրիգորյանը։
Ըստ նրա՝ այսօր ՀՀ-ն և Ադրբեջանը պետք է լուծեն այն հարցերը, որոնք հնարավոր է լուծել թշնամանքի պայմաններում՝ հետաձգելով անլուծելի թվացողները։
«Խոսքն այն մասին է, որ թերևս կարելի է հարաբերությունները նորմալացնել, խաղաղության պայմանագիր կնքել՝ մյուս բոլոր կնճիռները լուծել, որոնք հարաբերականորեն ավելի հեշտ լուծելի են, և առկախել Արցախի կարգավիճակի հարցը։ Այսօր Արցախի կարգավիճակի վերաբերյալ գտնել բանաձև, որը կբավարարի կոնֆլիկտի կողմերին, հնարավոր չէ, և դա զուտ պարտադրանքի առարկա է լինելու, ներքին քաղաքական լուրջ խմորումների աղբյուր է դառնալու, և իրականում հարաբերությունների նորմալացումն էլ տուժելու է դրանից, որովհետև թշնամանքի, քաղաքական հակասությունների աղբյուր է դառնալու»,- ասաց Արման Գրիգորյանը։
Հարցազրույցն ամբողջությամբ՝ տեսանյութում։
Ռոբերտ Անանյան
