19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Սահմանազատման և սահմանագծման ուղղությամբ արդեն որոշակի առաջընթաց կա․ Արարատ Միրզոյան․ ՏԵՍԱՆՅՈՒԹ
Քաղաքականություն
25.05.2022 | 17:38
«Զանգեզուրի միջանցքն» այն տրամաբանությամբ, որը շրջանառում է Ադրբեջանը, հայկական կողմի համար անընդունելի է։ Կառավարության հետ հարցուպատասխանի ժամանակ այս մասին հայտարարեց ՀՀ արտգործնախարար Արարատ Միրզոյանը:
«Կարծես կա համընդհանուր ընկալում, որ այդպես չի լինելու` բացվելու են տնտեսական ուղիները, բայց այն մեխանիզմներով և պարամետրերով, որոնք մեզ համար ընդունելի են»,- նշեց նախարարը։
Անդրադառնալով Հայաստան- Ադրբեջան խաղաղության պայմանագրին` Միրզոյանը նշեց, որ այդ հարցում կան որոշակի ուղղություններ, որոնցով որոշակի առաջընթաց կա, և կան ուղղություններ, որ փորձում են հասկանալ, թե ընդհանուր ինչ եզրեր կարող են գտնել։
«Սահմանազատման և սահմանային անվտանգության հարցերով որոշակի առաջընթաց կա։ Տեղյակ եք, որ երեկ ՀՀ-ի և Ադրբեջանի փովարչապետները հանդպել են: Առաջին հանդիպումը աշխատանքային հարցերի վերաբերյալ է եղել։ Տրանսպորտային և տնտեսական ենթակառուցվածքների բացման հարցում նույնպես պատկերացումների որոշակի համընկնում կա։ Այս առումով ես լավատես եմ»,- նշեց Միրզոյանը։
Նախարարի խոսքով` Հայաստանի և Ադրբեջանի դիրքորոշումները խաղաղության պայմանագրի հարցում միշտ չէ, որ համընկնում են, բայց բանակցություններ նաև այդպիսի հարցեր լուծելու համար են:
Մանրամասները՝ տեսանյութում:
