08.06.2026 | 22:58
Հայտնի է նոր Ազգային ժողովի առաջին նիստի օրը
Ոչինչ չի հայտնաբերվել, շահարկում էր․ Բագրատյանը՝ հիմնադրամի գումարների հարցով քննիչ հանձնաժողովի մասին․ ՏԵՍԱՆՅՈՒԹ
Քաղաքականություն
25.05.2022 | 12:40
«Հայաստան» համահայկական հիմնադրամի կողմից հավաքագրված և ՀՀ պետական բյուջե փոխանցված միջոցների օգտագործումը ուսումնասիրող ԱԺ քննիչ հանձնաժողովը, որը ստեղծել էին ընդդիմադիր պատգամավորները, արդյունք տվե՞լ է, թե՞ հերթական սուտը տարածելու, հիմնադրամը վարկաբեկելու փորձն էր, որին վերաբերվեցին այնքան անլուրջ, որ անգամ չներկայացան՝ դրա գործունեության ժամկետը երկարաձգելու համար։ ԱԺ լիագումար նիստում այսօր «Քաղաքացիական պայմանագիր» խմբակցության պատգամավոր Ծովինար Վարդանյանն այս հարցն ուղղեց պատգամավոր Սերգեյ Բագրատյանին, երբ քննակվում էր նրա հեղինակած օրինագիծը, որով ԱԺ քննիչ հանձնաժողովների գործունեության ժամկետն առաջարկվում է սահմանել ոչ թե վեց ամիս, այլ մեկ տարի՝ ևս վեց ամսով երկարաձգման հնարավորությամբ։
Բագրատյանն ընդգծեց, որ «Հայաստան» համահայկական հիմնադրամի կողմից հավաքագրված և ՀՀ պետական բյուջե փոխանցված միջոցների օգտագործումը ուսումնասիրող ԱԺ քննիչ հանձնաժողովի ստեղծման նպատակն ավելի շատ շահարկումն էր, ոչ թե խնդրի լուծումը։
«Աշխատանքը ցույց տվեց, որ ոչինչ չհայտնաբերեցին, բայց երկարաձգման հայտ ներկայացրին, որն արդեն անիմաստ է, որովհետև վեց ամիսը բավարար էր՝ բոլոր պատկան մարմինները ներկայացել էին, ողջ ծավալով պատասխանել բոլոր հարցերին։ Երբ տեսան, որ յուրացման խնդիր չկա, փորձեցին մտնել շահարկման դաշտ։ Մենք մտածեցինք, որ կարելի է ևս վեց ամիս ժամանակ տալ՝ պայմանով, որ քննության արդյունքների վերաբերյալ հայտարարություն արվի, սակայն Արծվիկ Մինասյանը, ցավոք, չի ներկայացել, որ այդ հարցը քննարկենք»,- նշեց Բագրատյանը:
Մանրամասները՝ տեսանյութում:
