06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Միջնորդ 2 կողմերին էլ Ադրբեջանը ավելի շատ առաջարկելու բաներ ունի, քան Հայաստանը․ Բորիս Նավասարդյան․ ՏԵՍԱՆՅՈՒԹ
Քաղաքականություն
23.05.2022 | 11:33
Մայիսի 22-ին Բրյուսելում տեղի է ունեցել ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպայի խորհրդի նախագահ Շառլ Միշելի հանդիպումը: Վերջինիս գնահատմամբ՝ հանդիպումն անկեղծ էր և արդյունավետ:
Այս թեմայի շուրջ քննարկման ժամանակ Երևանի մամուլի ակումբի նախագահ Բորիս Նավասարդյանը նշեց, որ հնարավոր է Մոսկավյում ևս նախաձեռնվի այդպիսի եռակողմ հանդիպում, բայց այլ միջնորդով:
Ինչ վերաբերում է Միշելի գնահատականին, Նավասարդյանի դիտարկմամբ՝ այնպիսի տպավորություն է, որ գործընթացը առաջ գնալու միտում ունի:
Երևանի մամուլի ակումբի նախագահը կարծիք հայտնեց, որ եթե մոսկովյան ձևաչափը դառնա դոմինանտ, դա կնաշանակի, որ Արցախի կարգավիճակի և արցախահայության ապագայի հետ կապված հացերը կհետաձգվեն. դա կնշանակի թերի թողնել ամբողջ օրակարգը: Իսկ եթե դոմինանտ դառնա Եվրամիության կողմը, դա կառաջացնի Ռուսաստանի խանդը, իսկ Ռուսաստանը լուրջ լծակներ ունի այստեղ ցանկացած գործընթացի խանգարելու համար:
«Եթե Մոսկվայի և Բրյուսելի միջև մրցակցությունը շարունակվի, ավելի շատ ձեռնտու կլինի Ադրբեջանին, որովհետև դա կնմանվի աճուրդի…Միջնորդ երկու կողմերին էլ Ադրբեջանը ավելի շատ առաջարկելու բաներ ունի, քան Հայաստանը:
Հայաստանի համար ցանկալի տարբերակը այդ երկու գործընթացները մերձեցնելն է, որպեսզի ստանա արդյունք: Սակայն միգուցե Հայաստանին պետք չէ, որ գործընթացում լինի առաջընթաց … Հայաստանը շահագրգռված է խորացնել հարաբերությունները և՛ Մոսկվայի, և՛ Բրյուսելի հետ»։
Մանրամասները՝ տեսանյութում:
