06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Բաքուն մեղադրանքներով է արձագանքել Փաշինյանին․ Գերասիմ Վարդանյանը կրկին կալանավորվեց․ Լուրեր
Քաղաքականություն
12.05.2022 | 16:44
- Ամերիկյան Washington Post պարբերականը հայտարարել է, որ ռուսական կողմն է բոյկոտում ԵԱՀԿ Մինսկի խմբի եռանախագահության ձևաչափը։ Պարբերականի հոդվածում նշվում է, որ պարտադրված խաղաղությունից Հայաստանի լավագույն պաշտպանությունը կլինի ԱՄՆ-ի և Եվրոպայի մասնակցությունը բանակցային գործընթացին։ Նման համատեղ ջանքերի ճանապարհներից մեկը կլինի Մինսկի խմբի վերածնունդը՝ ԱՄՆ-ի, Ֆրանսիայի և Ռուսաստանի համանախագահությամբ:
- Ադրբեջանի ԱԳՆ-ից կեղծ մեղադրանքներ են ներկայացրել Հայաստանի հասցեին՝ մեկնաբանելով վարչապետ Նիկոլ Փաշինյանի խոսքերը գերիների մասին։ Բաքվից կրկին մեղադրել են հայ գերիներին, թե նրանք դիվերսանտներ են եղել։ Նշենք սակայն, որ հայկական կողմը վերադարձրել է բոլոր ադրբեջանցիներին, նաև հանցագործներին, մինչդեռ Ադրբեջանը շարունակում է գերեվարված պահել տասնյակ հայ գերիների։
- ՀՅԴ անդամ Գերասիմ Վարդանյանը մեկ ամսով կալանավորվել է: Վարդանյանը մեղադրվում է 2020-ի նոյեմբերի 10-ին զանգվածային անկարգությունների և լրագրողի աշխատանքը խոչընդոտելու համար: Նախաքննական մարմինը նրան կալանավորելու միջնորդություն է ներկայացրել, քանի որ նա չի վճարել իր նկատմամբ սահմանված 60 մլն դրամ գրավը:
Այս ժամի լուրերը՝ տեսանյութում։
