20.11.2024 | 13:34
Արփինե Սարգսյանը նշանակվեց ՆԳ նախարար
Բլինքենն Ալիևի հետ խոսել է հայ գերիների ազատման մասին․ ՀՀ ՊՆ-ից արձագանքել են Բաքվին․ Լուրեր
12.05.2022 | 13:48
- Հայաստանի ՊՆ-ից հայտնել են, որ Ադրբեջանի պաշտպանության նախարարությունը կրկին հանդես է եկել հայտարարությամբ, թե իբր մայիսի 11-ի երեկոյան ՀՀ ԶՈՒ ստորաբաժանումները կրակ են բացել հայ-ադրբեջանական սահմանի արևելյան հատվածում տեղակայված ադրբեջանական մարտական դիրքերի ուղղությամբ։ Հայաստանի ՊՆ-ից հայտնում են, որ նշված տեղեկությունը չի համապատասխանում իրականությանը, և որ իրադրությունը սահմանին հարաբերականորեն կայուն է։
- ԱՄՆ պետքարտուղար Էնթոնի Բլինքենը մայիսի 11-ին հեռախոսազրույց է ունեցել Ադրբեջանի նախագահ Իլհամ Ալիևի հետ։ Պետդեպի հաղորդագրության համաձայն՝ կողմերը քննարկել են նաև առաջիկա հստակ քայլերը՝ ուղղված Հարավային Կովկասում խաղաղության հաստատմանը, այդ թվում և սահմանների դելիմիտացիային ու դեմարկացիային, տրանսպորտային ու հաղորդակցման ուղիների բացմանը և մնացած հայ ռազմագերիների ազատ արձակմանը։
- Վարչապետ Նիկոլ Փաշինյանը Նիդեռլանդներում հայտարարել է, որ ՀԱՊԿ-ում կա ըմբռնում, որ Ուկրաինայի խնդիրը կազմակերպության օրակարգից դուրս է։ Ըստ Փաշինյանի՝ Ռուսաստանը նույնպես ունի այդ ըմբռնումը, և կազմակերպությանը պրոցեսի մեջ ներառելու փորձ չի եղել։
Այս ժամի լուրերը՝ տեսանյութում։
