23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԱՄՆ Ներկայացուցիչների պալատը հավանություն է տվել Ուկրաինային ավելի քան 40 միլիարդ դոլարի օգնության փաթեթին
Քաղաքականություն
11.05.2022 | 11:09
ԱՄՆ Կոնգրեսի Ներկայացուցիչների պալատը ճնշող մեծամասնությունը հավանություն է տվել Ուկրաինային ավելի քան 40 միլիարդ դոլարի օգնության փաթեթին:
Օրինագիծը հավանության է արժանացել 368 կողմ և 57 դեմ ձայներով և անցել Սենատ, գրում է VOA-ն։ Վաշինգտոնն, այսպիսով, մեծացնում է իր աջակցությունն Ուկրաինային՝ օգնելու նրան դիմակայել ՌԴ-ի ռազմական ներխուժմանը, որը սկսվեց փետրվարի 24-ին։
Ապրիլի վերջին Բայդենը խնդրել էր Կոնգրեսին հաստատել Ուկրաինային տրամադրվող լրացուցիչ 33 միլիարդ դոլարի օգնությունը, սակայն օրենսդիրները որոշել է ավելացնել ռազմական և հումանիտար օգնությունը:
Սպիտակ տան մամուլի քարտուղար Ջեն Փսակին շնորհակալություն է հայտնել օրենսդիրներին արդյունավետ աշխատանքի համար և նշել, որ Սպիտակ տունը «գնահատում է երկկուսակցական ուժեղ աջակցությունը նախագահ Բայդենի առաջարկին՝ Ուկրաինային անվտանգության, տնտեսության, հումանիտար և պարենային հարցերում անհրաժեշտ աջակցություն ցուցաբերելու հարցում»։
Տաթև Ֆռանգյան
