08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Արցախում ադրբեջանական մեքենան ձորակն է գցել հայերի մեքենան․ ընդդիմությունը շարունակում է ակցիաները. ԼՈՒՐԵՐ
Քաղաքականություն
06.05.2022 | 16:36
- Արցախում՝ Դրմբոն-Մարտակերտ ճանապարհին, ադրբեջանական շարասյան մեջ մտնող քարշակող բեռնատարը հրել ու ձորակն է գցել հայկական ավտոմեքենան, որի մեջ եղել են վարորդն ու 2 ուղևորները։ Արցախի դատախազությունից հայտնել են, որ վարորդի և երկու ուղևորների առողջությանը լուրջ վնաս չի պատճառվել, նրանց կյանքին վտանգ չի սպառնում: Ձորակն ընկած մեքենայի ուղևորներից մեկը հայտնել է, որ ադրբեջանական մեքենան դիտավորությամբ է իրենց մեքենան հրել դեպի ձորակը։
- Երևանում ընդդիմությունը կեսօրին սկսել է բողոքի ակցիաները, երթերը և ճանապարհներ փակելու ակցիաները։ Հաղթանակի կամուրջի մոտ անցկացված ակցիայի ժամանակ ոստիկանությունը ուժ է կիրառել ցուցարարների դեմ՝ խաչմերուկը բացելու համար։ Բերման ենթարկվողների թվում է եղել նաև նախկին ոստիկանապետ Վալերի Օսիպյանը։ Ընդհանուր առմամբ՝ քաղաքի այս հատվածից բերման է ենթարկվել մի քանի տասնյակ ցուցարար։
- Բաղրամյան պողոտայում իրավիճակը ևս լարված է եղել։ «Դիմադրության» շարժման քայլերթի մասնակցիները փակել են պողոտան, սակայն մեծ թվով ոստիկաններ փորձել են բացել պողոտան և բերման են ենթարկել քաղաքացիներին։
- Ռուսաստանի ԱԳՆ ներկայացուցիչը հայտարարել է, որ Ռուսաստանի կողմից Ուկրաինայում միջուկային զենքի օգտագործումն անհնար է, քանի որ դա չի համապատասպանում ռազմական գործողությունների առաջադրանքին։
Այս ժամի լուրերը՝ տեսանյութում։
