24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
ՌԴ ԱԳՆ-ն անդրադարձել է Երևանում անցկացվող ցույցերի ազդեցությանը Ղարաբաղում տիրող իրավիճակի վրա
Քաղաքականություն
06.05.2022 | 16:15
ՌԴ ԱԳՆ-ն անդրադարձել է Երևանում անցկացվող ցույցերի ազդեցությանը Լեռնային Ղարաբաղում տիրող իրավիճակի վրա։
«Եթե խոսում ենք Ադրբեջանի հետ հարաբերությունների կարգավորման վրա Հայաստանի ներսում վիճելի հարցերի ազդեցության մասին, ապա խոսքը ոչ թե պայմանավորվածություններին ընդդիմության վերաբերմունքի, այլ հանրապետության ղեկավարության հայտարարությունների ընկալման մասին է»,- այս մասին ճեպազրույցում հայտարարել է ՌԴ ԱԳՆ տեղեկատվության և մամուլի վարչության փոխտնօրեն Ալեքսեյ Զայցևը, գրում է News.ru-ն։
Նրա խոսքով՝ երկրի ներքաղաքական կյանքի բոլոր հարցերը պետք է լուծվեն բացառապես իրավական և սահմանադրական դաշտում՝ համապատասխան ժողովրդավարական ընթացակարգերի շրջանակում։
Զայցևն ընդգծել է, որ Ռուսաստանն ակտիվորեն նպաստում է Հայաստանի և Ադրբեջանի միջև հարաբերությունների կարգավորմանը՝ առաջին հերթին 2020 թվականի նոյեմբերի 9-ի, ինչպես նաև 2021 թվականի հունվարի 11-ի և նոյեմբերի 26-ի եռակողմ հայտարարությունների բոլոր դրույթների կատարման միջոցով։ Բացի այդ, Մոսկվան աջակցում է կողմերին խաղաղ համաձայնագրի կնքմանն ուղղված ջանքերում։
Տաթև Ֆռանգյան
