06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ցանկանում եմ՝ այս դպրոցում սովորեն նաև ադրբեջանցի երեխաներ․ Գաբրիելյանը հիշեցրեց Սերժ Սարգսյանի խոսքերը. ՏԵՍԱՆՅՈՒԹ
Քաղաքականություն
06.05.2022 | 12:45
«Ընդդիմությունն իր խոսքով ինքն իրեն մաշեցրել է»,- ԱԺ արտահերթ նիստում այս կարծիքը հայտնեց «Քաղաքացիական պայմանագիր» խմբակցության պատգամավոր Սիսակ Գաբրիելյանը՝ հավելելով նաև, որ ընդդիմադիրները մոլորեցնում են քաղաքացիներին:
«Ի՞նչ է ասում ընդդիմությունը՝ մոլորեցնելով մեր քաղաքացիներին, որ դուրս եկեք փողոց, որպեսզի թուրքը չգա մեր երկիր:
Հիշեցի լրագրողական տարիներիցս մի հոդված, որը հրապարակվել է այն կայքում, որտեղ աշխատել եմ: Խնդրում եմ, ուշադիր եղեք՝ ո՞վ է այս խոսքերի հեղինակը: Դպրոցի բացման ժամանակ մի բարձրաստիճան պաշտոնյա այդ ժամանակ ասել է. «Ես անկեղծորեն ցանկանում եմ, որ այս դպրոցում սովորեն նաև ադրբեջանցի երեխաներ: Ես վստահ եմ, որ այդ օրը գալու է, և ցանկանում եմ, որ այդ օրը գա հնարավորինս շուտ»: 2014 թվական, Սերժ Սարգսյան»,- հիշեց Գաբրիելյանը:
Եվ դիմեով Արթուր Վանեցյանին՝ նշեց. «Երբ դռնեդուռ ընկած ասում եք՝ դուրս եկեք փողոց, որպեսզի թուրքը չգա այս երկիր, խափանում եք Սերժ Սարգսյանի երազա՞նքը»:
«Կամ՝ երբ Իշխան Սաղաթելյանն ասում է՝ թալանը հետ ենք բերելու, դուք հասկանո՞ւմ եք, սիրելի՛ հայրենակիցներ, սրանով երկու բան են խոստովանում, որ թալանը եղել է, և որ թալանը հետ են բերելու: Որ թալանը եղել է, այստեղ տրամաբանական հարց է առաջանում՝ հետ բերել նկատի ունեք, որ ձե՞զ եք հետ բերելու, որովհետև մենք խոստացել ենք, որ թալանը հետ ենք բերելու պետական բյուջե, իսկ դուք նախ ընդունում եք, որ թալանը կա, և նաև հայտարարում, որ այն հետ եք բերելու:
2018 թվականին քաղաքացիները փակել են ձեր թալանի ծորակի փականը, և հիմա խոր գործընթաց է գնում այդ թալանը պետական բյուջե վերադարձնելու համար»,- ասաց Գաբրիելյանը:
Մանրամասները՝ տեսանյութում:
