08.05.2025 | 18:47
Քաղաքական պաշտոն զբաղեցնելուց րոպեներ անց ԲԴԽ տեղափոխված անձինք անձամբ են վեթինգ իրականացրել․ նախկին դատավոր Արշակ Վարդանյան
Գագիկ Խաչատրյանի՝ Լոս Անջելեսում գտնվող առանձնատունը կարող է բռնագանձվել․ՏԵՍԱՆՅՈՒԹ
Հասարակություն
06.05.2022 | 11:59
Միացյալ Նահանգների կառավարությունը ձգտում է հասնել Լոս Անջելեսի Հոլմբի Հիլզ շրջանում գտնվող շքեղ առանձնատան բռնագաձմանը, որն, ըստ ԱՄՆ Արդարադատության դեպարտամենտի, ձեռք է բերվել հայ գործարարի՝ նախկիում բարձրաստիճան պաշտոնյայի կողմից, կաշառքից ձևավորված միջոցներով, հայտնում է abc7-ը։ Առանձնատունը, որն ունի գրեթե 2 800 քմ մակերես, ձեռք էր բերվել 2011 թվականին 14,4 միլիոն դոլարով Գագիկ Խաչատրյանի և նրա երկու որդիների անունից։
«Խաչատրյանը, որ հայտնի է որպես «սուպեր նախարար», 2008-2014 թթ-ին եղել է Հայաստանի Հանրապետության պետական եկամուտների կոմիտեի նախագահը․ 2014-2016 թթ-ին՝ ՀՀ ֆինանսների նախարարը»,-ասվում է հրապարակման մեջ։
Լոս Անջելեսի դաշնային դատարան ուղղված հայցում Արդարադատության դեպարտամենտը նշում է, որ գործարար Սեդրակ Առուստամյանը Խաչատրյանի պաշտոնավարման տարիներին նրան ու ընտանիքին ավելի քան 20 մլն դոլարի կաշառք է տվել՝ իր բիզնեսի համար բարենպաստ հարկային ռեժիմի համար։ Կաշառքից գոյացած միջոցներն օգտագործվել են Holmby Hills-ում գտնվող գույքը ձեռք բերելու համար, որը վերջերս վաճառքի է հանվել 63,5 միլիոն դոլարով:
Լրատվամիջոցը հիշեցնում է նաև, որ Խաչատրյանն ու նրա որդիները Հայաստանում մեղադրվում են կաշառքի ստացման մեջ։
Էմմա Չոբանյան
