20.04.2026 | 11:18
Փաշինյանը ներկայացնում է ՔՊ նախընտրական ծրագիրը․ ՏԵՍԱՆՅՈՒԹ
Փաշինյանի հեռանալու հանրային պահանջ չկա. ընդդիմության երթերը սակավաթիվ են. Ալեքսանյան. ՏԵՍԱՆՅՈՒԹ
Քաղաքականություն
05.05.2022 | 12:04
ՀՀ վարչապետ Նիկոլ Փաշինյանի հրաժարականի հանրային պահանջ չկա։ Խորհրդարանական ճեպազրույցների ժամանակ այս կարծիքը հայտնեց «Քաղաքացիական պայմանագիր» պատգամավոր Վահագն Ալեքսանյանը։
«Ընդդիմության երթերն ու հանրահավաքները սակավամարդ են։ Հանրության լայն շերտեր չեն միանում ընդդիմությանը։ Ինչքան էլ որ Իշխան Սաղաթելյանը ամեն օր ձայնի տարբեր տեմբրերով հայտարարի, որ ամեն ինչ ավարտված է, գնալով իրենց շարժումն է ավարտվելու, ոչ ավելին»,- նշեց պատգամավորը:
Օրինակ, 2018-ի հեղափոխության ժամանակ, երբ մարդիկ հավաքվում էին, ասում էին՝ մեզ են միացել Գավառի, Իջևանի, Նոյմեբերյանի մեր քաղաքացիները, հիմա Իշխան Սաղաթելյանը պետք է բեմից հայտարարի՝ մեզ է միացել ևս մի նախկին հանրապետական փոխնախարար՝ իր բետոնախառնիչներով։ Նման բան պետք է տեղի ունենա, որովհետև երբ փորձում ես փողոց փակելով հեղաշրջում անել, ու փողոց փակելու ռեսուրսդ նախկին հանրապետական փոխնախարարների բետոնախառնիչներն են, թույլ տվեք ասել, որ այստեղ ես քաղաքական լրջություն չեմ տեսնում», – նշեց պատգամավորը՝ հավելելով, որ հարգում է բոլոր քաղաքացիների խաղաղ ցույցեր և հանրահավաքներ անելու սահմանադրական իրավունքը։
Մանրամասները՝ տեսանյութում:
