05.06.2026 | 11:46
Երևանում բացահայտվել է ապօրինի առցանց խաղային հարթակների սխեմա․ հնարավոր վնասը գերազանցում է 2.4 մլրդ դրամը
ԱԱԾ-ն զգուշացնում է՝ ԱԺ-ի շենքի զավթման վտանգ կա, Փաշինյանը ժամանելու է խորհրդարան․ Լուրեր
Քաղաքականություն
04.05.2022 | 17:10
- ԱԱԾ-ն հայտարարություն է տարածել, ըստ որի՝ Երևանում անցկացվող հավաքի կազմակերպիչները մտադրված են այսօր անցկացվող ՀՀ ԱԺ հերթական նստաշրջանի ընթացքում հրահրել հակաօրինական գործողություններ և դրդել հավաքի մասնակիցներին զավթել ԱԺ շենքը և հարկադրել կատարելու որևէ գործողություն։ Կառույցը նախազգուշացնում է հավաքի կազմակերպիչներին և դրանց մասնակիցներին՝ ձեռնպահ մնալ հակաօրինական գործողություններ կատարելուց։
- Նախատեսվում է, որ այսօր խորհրդարան է գալու նաև վարչապետ Նիկոլ Փաշինյանը՝ կառավարության հետ հարց ու պատասխանի համար։ Factor TV-ի տեսախցիկը ֆիքսել է, որ Փաշինյանի ժամանումից առաջ խորհրդարանի տարածքում մեծացվել է անվտանգության աշխատակիցների թիվը, տեղադրվել են լուսաձայնային նռնակներ։
- Ընդդիմադիր ուժերը այդ ընթացքում շարունակում են ակցիաները Երևանի տարբեր հատվածներում։ Երթեր են անցկացրել մայրաքաղաքի կենտրոնական ու առանցքային փողոցներում։ Ընդդիմադիր ուժերը որոշել են ակցիաների վերջում հավաքվել Ֆրանսիայի հրապարակում, հավանական է, որ այնտեղից էլ շարժվելու են դեպի խորհրդարան։
Այս ժամի լուրերը՝ տեսանյութում։
