06.10.2026 | 15:55
Կառլոս Ալկարասը` Տոկիոյի մրցաշարի հաղթող. ՏԵՍԱՆՅՈՒԹ
Նախագիծ մշակելիս պետք է քննարկել լրագրողների հետ. ՄԻՊ-ը` ԶԼՄ-ների ազատության սահմանափակումների մասին. ՏԵՍԱՆՅՈՒԹ
Հասարակություն
03.05.2022 | 13:10
Մամուլի ազատության համաշխարհային օրվա առթիվ, Մարդու իրավունքների պաշտպանի աշխատակազմը «Հարց ու պատասխան» ձևաչափով հանդիպում է կազմակերպել ՀՀ ՄԻՊ Քրիստիննե Գրիգորյանի հետ:
«Թե՛ անցյալ տարի, թե՛ այս տարի լրագրողների նկատմամբ տեղի են ունեցել բռնության դեպքեր: Նաև երեկ տեղի ունեցած դեպքը ցավալի օրինակներ են առ այն, որ մենք, որպես պետություն, այս առումով անելիքներ ունենք»,- նշեց ՄԻՊ-ը:
Խոսելով ԶԼՄ-ների ազատության սահմանափակումների մասին՝ Գրիգորյանը նշեց. «ԱԺ պատգամավորների կողմից կա նախաձեռնություն ԶԼՄ-ների մասին օրենքում հավատարմագրման հետ կապված փոփոխություններ կատարելու մասին. որպես պաշտպան, պետք է ասեմ, որ մենք հրավիրել ենք նախաձեռնության հեղինակին, ներկայացրել ենք մեր մտահոգությունները, նախագիծը լրամշակման է ենթարկվել և ուղարկվել է մեր գրասենյակ, որպեսզի մեր կարծիքը հայտնենք:
Այս նախագծի հետ կապված՝ կա նաև ընկալման խնդիր: Ե՛վ հեղինակները, և՛ լրագրողները պիտի «ցավի սինդրոմով» չառաջնորդվեն, որ սա էլ է սահմանափակում, պետք է ողջամտորեն քննարկումներ տեղի ունենան: Մենք պատգամավորներին կոչ ենք արել ԶԼՄ-ների և լրագրողների գործունեության վերաբերյալ որևէ նախագիծ մինչև ԱԺ նիստերում քննարկում սկսելը քննարկել լրագրողների հետ: Այս նախագիծը լրագրողների հետ չի քննարկվել, և շատ խնդիրների աղբյուրը գալիս է հենց սրանից»,- նշեց ՄԻՊ-ը:
Մանրամասները՝ տեսանյութում:
