12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Ռոբերտ Քոչարյանի իշխանության փոխանցումը Սերժ Սարգսյանին տեղի ունեցավ ճամպրուկի ձևով․ Արա Պապյան. ՏԵՍԱՆՅՈՒԹ
Քաղաքականություն
30.04.2018 | 16:02
«Մոդուս Վիվենդի» կենտրոնի ղեկավար, Կանադայում Հայաստանի նախկին արտակարգ և լիազոր դեսպան Արա Պապյանը Factor.am-ի հետ զրույցում նշեց, որ Նիկոլ Փաշինյանի և աջակիցների նախաձեռնած շարժումը միջազգային հարաբերությունների առումով էական ազդեցություն չի ունենա ԼՂՀ հարցի կարգավորման վրա․ «Արտաքին խաղացողները սա դիտարկում են որպես Հայաստանի ներքին հարց և ուզում եմ շեշտել, որ Ռուսաստանը բավականին զուսպ և ճիշտ իրեն պահեց, ՌԴ-ն ի վերջո հասկացավ, որ ինքը պետք է ընդունի, որ Հայաստանն անկախ երկիր է և որևէ կոշտ միջամտություն կբերի նրան, որ ՌԴ-ն կկորցնի, առանց այն էլ փոքրացող ազդեցությունը Հայաստանում։ ԼՂՀ հարցի մասով կարծում եմ, որ սա դրական ընթացք կունենա, քանի որ, ի վերջո, սա ժողովրդի միավորում է»։
Պապյանն անդրադարձավ նաև ՀՀ երկրորդ նախագահ Ռոբերտ Քոչարյանի օրերս տված հարցազրույցին, որի ընթացքում նա ասել էր, որ իշխանությունը ճամպրուկ չէ, որպեսզի այն վերցնեն և տան Փաշինյանին․ «Ռոբերտ Քոչարյանի իշխանության փոխանցումը Սերժ Սարգսյանին տեղի ունեցավ ճամպրուկի ձևով։ Տեղի չունեցան ազատ-արդար ընտրություններ և այլն»։
Հարցազրույցն ամբողջությամբ՝ տեսանյութում։
Լիլիթ Շաբոյան
