08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
70 ցուցարար բերման է ենթարկվել, նրանց թվում է Լևոն Քոչարյանը
Հասարակություն
03.05.2022 | 11:04
Վաղ առավոտից Երևանում շարունակվում են ընդդիմության կողմից իրականացվող անհնազանդության ակցիաները, որոնց ընթացքում ժամը 10:00-ի դրությամբ բերման է ենթարկվել 70 քաղաքացի։ Այս մասին Factor.am-ի հետ զրույցում տեղեկացրեց ոստիկանության Հասարակայնության հետ կապի և լրատվության վարչության պետի տեղակալ Էդգար Ջանոյանը՝ նշելով, որ քաղաքացիներն այս պահին ոստիկանական տարբեր բաժանմունքներում են։
Բերման ենթարկվածների թվում է ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը։ Քիչ առաջ ֆեյսբուքյան գրառմամբ նա տեղեկացրեց, որ տարվում է Ոստիկանության Մասիվի բաժին։
Հիշեցնենք՝ նախօրեին հրավիրված հանրահավաքի ժամանակ՝ «Հայաստան» խմբակցության պատգամավոր Իշխան Սաղաթելյանը հայտարարեց, որ այլևս տուն չեն գնալու և գիշերելու են Ֆրանսիայի հրապարակում։ Սաղաթելյանը հորդորեց քաղաքացիներին վաղ առավոտից գործադուլ և դասադուլ իրականացնել, իսկ անհնազանդության ակցիաները շարունակել քաղաքի բոլոր փողոցներում՝ փակելով հատկապես Կենտրոնի տարածքը։ Երեկ մոտ 250 անձ բերման է ենթարկվել մայրաքաղաքի փողոցներից, ոստիկանությունը պարբերաբար հայտարարություն էր տարածում, որ պարալիզացված գրեթե բոլոր փողոցները բաց են և երթևեկելի։
Ռոզա Վարդանյան
