10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ռուսաստանը պատրաստվում է Ուկրաինայի հետ սահմանակից շրջաններում խոլերայի համաճարակի
Քաղաքականություն
02.05.2022 | 20:21
Ռուսաստանի իշխանությունները սկսել են Ուկրաինային սահմանակից շրջաններում խոլերայի բռնկման դեմ նախապատրաստական աշխատանքները։ Այս մասին հայտնել է Ուկրաինայի Պաշտպանության նախարարության գլխավոր հետախուզական վարչությունը։
«Ռուսաստանի Դաշնության գլխավոր պետական սանիտարական բժիշկ Աննա Պոպովան ստորագրել է խոլերայի կանխարգելման լրացուցիչ միջոցների մասին որոշումը։ Հատուկ ուշադրություն է դարձվում լրացուցիչ կանխարգելիչ միջոցառումներին Ուկրաինային սահմանակից շրջաններում՝ Բրյանսկ, Կուրսկ, Բելգորոդ, Վորոնեժ, Ռոստովի մարզեր, Կրասնոդարի երկրամաս և Ղրիմ»,- ասվում է հաղորդագրության մեջ։
Նշվում է, որ տարածքային ստորաբաժանումների ղեկավարներին հանձնարարվել է մինչև մայիսի 15-ը պատրաստել լաբորատորիաներ խոլերայի հետազոտման համար, իսկ բուժհաստատություններին՝ մինչև հունիսի 1-ը ապահովել հակահամաճարակային միջոցառումներ իրականացնելու պատրաստվածությունը։
Ուկրաինայի գլխավոր հետախուզական վարչությունն իր հերթին հայտարարել է, որ, հավանաբար, մայիսի վերջին կամ հունիսի սկզբին Ռուսաստանի Դաշնության ղեկավարությունը կարող է սադրանքների դիմել Ուկրաինային սահմանակից տարածքներում։
«Ավանդաբար նրանք կփորձեն դրա պատասխանատվությունը բարդել Ուկրաինայի վրա՝ մեղադրելով «կենսաբանական զենք օգտագործելու մեջ»,- հավելել է Ուկրաինայի գլխավոր հետախուզության վարչությունը։
Տաթև Ֆռանգյան
