05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
ՀՀ-ն զորք ունի՞ ԼՂ-ում, որ հանձնի․ ՌԴ-ի դեսպանատան մոտ բողոքի ակցիա արեք՝ չտան, ինքն է տվող-չտվողը․ Արեգ Քոչինյան․ ՏԵՍԱՆՅՈՒԹ
Քաղաքականություն
26.04.2022 | 21:17
Ակնհայտորեն՝ ընդդիմադիր ուժերի բողոքի ակցիաները կապ ունեն Ղարաբաղի հակամարտության ներկա փուլի հետ։ Factor TV-ի հարցազրույցում ռազմաքաղաքական հարցերով փորձագետ Արեգ Քոչինյանն ասում է, որ իրականում անհասկանալի է ընդդիմադիր ուժերի ուզածը և նպատակադրումը։
«Արցախը տալ կամ չտալ, նույնն է՝ դու պահանջես մի շենքի նախկին սեփականատիրոջից այն տալ ինչ-որ մեկին կամ չտալ։ Արցախն այսօր մեր պաշտպանության ներքո՞ է, որ իշխանությունները տան կամ չտան։ Կշիռ ունի, թե ով է ապահովում Արցախի անվտանգությունը։ Հայաստա՞նն է ապահովում Արցախի անվտանգությունը, որ տա կամ չտա։ Տվողն էլ, չտվողն էլ Ռուսաստանն է, և ինձ համար տարակուսելի է՝ այդ մարդիկ չգիտե՞ն այս մասին»,- ասում է նա։
Արեգ Քոչինյանն ընդդիմությանը կոչ է անում բողոքի ակցիաներ անցկացնել Ռուսաստանի դեսպանատան առջև և պահանջել՝ չհանձնել Արցախը․ «44-օրյա պատերազմի արդյունքում անվտանգություն ապահովող ուժային կենտրոնն այլևս Արցախը չէ, մնացածն ինքնախաբեություն է»։
Հարցազրույցն ամբողջությամբ՝ տեսանյութում։
Ռոբերտ Անանյան
