07.10.2026 | 23:48
Արթուր Դանիելյանը կալանավորվեց
Ալիևը՝ բանակցությունների, ՌԴ-ն՝ Հայաստանին արտոնյալ պայմաններով գազ վաճառելու մասին․ Լուրեր
Քաղաքականություն
25.04.2022 | 18:13
- Նախապատրաստական աշխատանքներ են ընթանում «3+3» հարթակի երկրորդ հանդիպումը կազմակերպելու համար, միաժամանակ, կողմերի համաձայնությամբ, Վրաստանի համար դռները բաց են մնում։ Այս մասին ՌԻԱ Նովոստիին տված հարցազրույցում ասել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։
- ՌԴ-ն կպահպանի Հայաստանի համար գազի արտոնյալ գնագոյացումը. նույն հարցազրույցում ասել է Դենիս Գոնչարը: Նա նշել է, որ Հայաստանի վարչապետ Նիկոլ Փաշինյանի՝ ՌԴ պաշտոնական այցի ընթացքում զգալի թվով փաստաթղթեր են ստորագրվել, այդ թվում՝ էներգետիկ, իրավապահ, սոցիալ-աշխատանքային և մարդասիրական ոլորտների մասով։
- Ադրբեջանի նախագահ Իլհամ Ալիևն այսօր Բաքվում ընդունել է հայ-ադրբեջանական հարաբերությունների կարգավորման հարցով ՌԴ ԱԳՆ հատուկ ներկայացուցիչ Իգոր Խովաևին, որը ԵԱՀԿ Մինսկի խմբի ռուսաստանցի համանախագահն էր։ Ադրբեջանական լրատվամիջոցների հաղորդմամբ՝ հանդիպմանը քննարկվել են երկու երկրների միջև սահմանների դեմարկացիայի և դելիմիտացիայի, ինչպես նաև ադրբեջանական կողմի առաջարկած 5 սկզբունքների հիման վրա խաղաղության պայմանագրի նախապատրաստման հարցերը։
Այս ժամի լուրերը՝ տեսանյութում։
