07.10.2026 | 23:48
Արթուր Դանիելյանը կալանավորվեց
Ողբերգական դեպք Գյումրիում․ 6-ամյա երեխային գտել են լոգարանում անշնչացած
20.04.2022 | 12:41
Երեկ երեկոյան ժամը 19․30-ի սահմաններում Գյումրու «Օդանավակայան» թաղամասից անգիտակից վիճակում Մոր և մանկան ավստրիական մանկական հիվանդանոց են տեղափոխել 6-ամյա աղջկա՝ Կ․Հ-ին։ Հիվանդանոցի տնօրենի ժ/պ Հովհաննես Վարձելյանի տեղեկացմամբ, նրան տեղափոխել էին «ասպիրացիոն ասֆիքսիա, բիոլոգիական մահ» ախտորոշմամբ, կատարվել են վերակենդանացման միջոցառումներ, միացրել էին արհեստական շնչառական սարք։ Երեխայի սրտի աշխատանքը, ըստ Հովհաննես Վարձելյանի, վերականգնվել էր, սակայն գիտակցություն չի եկել ու 3-4 ժամ անց սիրտը կանգնել է։
Նշանակված է դատաբժշկական փորձաքննություն, կա վարկած, որ երեխան թունավորվել է շմոլ գազից։ Ինչպես տեղեկացանք ոստիկանությունից, դեպքի վայր մեկնած օպերատիվ խումբը պարզել է, որ ժամը 19.00-ի սահմաններում՝ երեխային լողացնեու ժամանակ, մոր ինքնազգացողությունը վատացել է, ամուսինը օգնության է հասել նրան։ Եվ երբ դրանից հետո մտել է լոգարան՝ երեխային հայտնաբերել է անգիտակից վիճակում։
Շիրակի մարզային քննչական վարչությունում նախապատրաստվում են նյութեր:
Արմիկ Մովսիսյան
