Քաղաքականություն
26.04.2018 | 18:38«Հայ հասարակությունը դեմ էր դուրս եկել ոչ թե անձի, այլ փտած, նեխած, օլիգարխիկ և բոլշևիկյան մեթոդներով աշխատող սիստեմի դեմ։ Բոլորս դա էինք ուզում, և քանի որ կրիչը Սերժ Սարգսյանն էր, նա, այո՛, պետք է հեռանար»,- Factor.am-ի հետ զրույցում կարծիք է հայտնում կինոռեժիսոր Հրանտ Վարդանյանը։
Նա շեշտում է, որ այսօր հայաստանյան խորհրդարանում բազմակուսակցականություն ապահովելու և տոկոսային հարաբերությունները ճիշտ բաշխելու խնդիր կա:
«Կարծում եմ՝ Նիկոլ Փաշինյանը հենց դա էլ ուզում է ապահովել, ուղղակի նա չի վստահում հանրապետականներին, որոնք կարող են իրենց դիրքերն ու ռեսուրսներն օգտագործել և էլի գալ, մեծամասնություն կազմել։ Պետք է գտնել ֆորմուլա, որով կբացառվի դա»,- մեկնաբանում է պարոն Վարդանյանը։
Նա ժամանակավոր կառավարություն ստեղծելու դեպքում վարչապետի պաշտոնում տեսնում է Նիկոլ Փաշինյանին: «Ժողովուրդը նրան է հավատացել, իսկ հետո արդեն, երբ ամեն ինչ հունի մեջ կընկնի, թող պառլամենտը որոշի թեկնածուին, կամ գուցե Նիկոլն ինքը առաջադրի թեկնածու»,- տեսակետ է հայտնում նա։
Մանրամասները՝ տեսանյութում։
Աննա Բաբաջանյան
