01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
Սադրանքներ կարող են տեղի ունենալ․ ինչո՞ւ ռուսական կողմը չի թույլատրել ՀՀ պատգամավորների մուտքը Արցախ․ ՏԵՍԱՆՅՈՒԹ
Քաղաքականություն
13.04.2022 | 17:40
ԱԺ-կառավարություն հարցուպատասխանի ժամանակ ՀՀ ԱԳ նախարար Արարատ Միրզոյանն անդրադարձավ այն խնդրին, որ ռուս խաղաղապահների կողմից ընդդիմադիր պատգամավորների մուտքն Արցախ արգելվել է։
Պատգամավոր Վահագն Ալեքսանյանի հարցին, թե ինչ միջոցներ են ձեռնարկվել ԱԳՆ հայտարարությունից զատ, Արարատ Միրզոյանը պատասխանեց․ «Այն պահից սկսած, երբ հայտնի դարձավ, որ Ազգային ժողովի պատգամավորները չեն կարողանում Լաչինի միջանցքով մուտք գործել Լեռնային Ղարաբաղ, մենք ձեռնարկել ենք գործողություններ։ Կապի մեջ ենք եղել և ԼՂ իշխանությունների, և ՌԴ իշխանությունների հետ՝ բարձր մակարդակով։ Մեզ հավաստիացրել են, որ ԱԺ պատգամավորների մուտքն Արցախ չի թույլատրվում՝ սադրանքներից զերծ մնալու նկատառումներով։
Ինչ վերաբերում է մեր դիրքորոշմանը, ապա այն հստակ արտացոլված է ԱԳՆ հայատարարության մեջ։ Այն է՝ նոյեմբերի 9-ի եռակողմ հայտարարությամբ Լաչինի միջանցքով շարժի որևէ սահմահմանափակում նախատեսված չէ։ Եվ ՀՀ քաղաքացիները, այդ թվում՝ ԱԺ պատգամավորները, պետք է անարգել մուտք ունենան Լեռնային Ղարաբաղ»։
Արարատ Միրզոյանի խոսքով՝ ռուսական կողմից եղել է պարզաբանում, որ կարող են սադրանքներ տեղի ունենալ։ Եվ ասել են՝ Լեռնային Ղարաբաղն այդ սադրանքներից զերծ պահելու համար նրանց մուտքը նպատակահարմար չէ։
Մանրամասները՝ տեսանյութում:
