19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Ալեքպերովը, Յակունինը, Մեդվեդչուկը, Ֆետիսովը և այլք՝ Մեծ Բրիտանիայի պատժամիջոցների թարմացված ցուցակում
Քաղաքականություն
13.04.2022 | 17:35
Ռուսական «Lukoil» ընկերության նախագահ և սեփանականատեր Վագիտ Ալեքպերովը, «Սիստեմա» ընկերության տնօրենների խորհրդի նախագահ Վլադիմիր Եվտուշենկովը և ՌԺԴ-ի նախկին տնօրեն Վլադիմիր Յակունինը հայտնվել են Մեծ Բրիտանիայի պատժամիջոցների թարմացված ցուցակում, գրում է ՏԱՍՍ-ը։
Նշվում է, որ ցուցակում ևս 206 ֆիզիկական անձ է ներառված ՌԴ-ից, Ուկրաինայից, Ուզբեկստանից։
Բրիտանական պատժամիջոցների տակ է հայտնվել նաև ուկրաինական «Ընդդիմադիր հարթակ՝ կյանքի համար» կուսակցության ղեկավար Վիկտոր Մեդվեդչուկը, որին ձերբակալելու մասին նախօրեին հայտարարել էին Ուկրաինայի իշխանությունները։
Ցուցակում են նաև ՌԴ ԱԳ նախարար Սերգեյ Լավրովի կինը, Գենադի Տիմչենկոյի կինը, Ալիշեր Ուսմանովի քույրերը, «Սուգուտնեվտեգազի» տնօրեն ու սեփականատեր Վլադիմիր Բոգդանովը, Օզոնի նախկին գլխավոր տնօրեն Ալեքսանդր Շուլգինը, ՌԴ նախագահ Վլադիմիր Պուտինի խորհրդական Անդրեյ Ֆուրսենկոն, «Տրանսմաշհոլդինգ» ընկերության տնօրենների խորհրդի նախագահ Անդրեյ Բոկարևը, Գազպրոմբանկի փոխնախագահ Սերգեյ Ֆուրսենկոն, ձեռնարկատերեր Սաիդ Քերիմովը, Ֆարհադ Ահմեդովը և Իգոր Կեսաևը։
Էմմա Չոբանյան
