08.02.2026 | 16:40
Ռուսաստանը գիշերը ավելի քան 100 դրոնով հարձակվել է Ուկրաինայի վրա. DW
Հայաստանի սեղանի թենիսի հավաքականը հանդես կգա Եվրոպայի առաջնության եզրափակիչ փուլում
11.04.2022 | 18:31
Հայաստանի սեղանի թենիսի տղամարդկանց հավաքականը տևական դադարից հետո կմասնակցի Եվրոպայի առաջնության եզրափակիչ փուլին. տեղեկացնում են ՀՀ ԿԳՄՍՆ-ից։
Հայաստանի հավաքականում ընդգրկված երեք մարզիկները՝ Դավիթ Ղոթանյանը, Հարություն Հարությունյանը և Վարուժան Բաղդասարյանը, Կիպրոսի Նիկոսիա քաղաքում մասնակցել են Եվրոպայի առաջնության նախնական փուլի խմբային մրցաշարին և զբաղեցրել երկրորդ հորիզոնականը:
Հայ մարզիկները տարել են չորս հաղթանակ, պարտվել են միայն լիտվացի թենիսիստներին (1-3) և դարձել արծաթե մեդալակիրներ: Երրորդ հորիզոնականը զբաղեցրել են Կիպրոսի ներկայացուցիչները:
Երեք լավագույն թիմերն իրավունք են ստացել մասնակցելու Եվրոպայի առաջնության եզրափակչին, որը 2023 թվականին տեղի կունենա Շվեդիայի Մալմյո քաղաքում:
Եվրոպայի առաջնության նախնական փուլին մասնակցել են նաև Լիտվայի, Շոտլանդիայի, Լատվիայի, Սան Մարինոյի և Կիպրոսի տղամարդկանց հավաքականները:
