08.02.2026 | 19:26
Նոյեմբերյանում նոր դպրոց ենք կառուցում, առաջիկայում կմեկնարկենք նաև քոլեջի նոր շենքի կառուցումը. Ժաննա Անդրեասյան
Մարտի 1-ի իրադարձությունների մասով Նիկոլ Փաշինյանն արդարացվեց․ վճռաբեկ բողոքը բավարարվեց. ՏԵՍԱՆՅՈՒԹ
Հասարակություն
08.04.2022 | 11:48
Վճռաբեկ դատարանը քննում է Մարտի 1-ի գործով Նիկոլ Փաշինյանին, Սասուն Միքայելյանին, Ալեքսանդր Արզումանյանին արդարացնելու բողոքները:
Վճռաբեկ դատարանը, նախագահությամբ Համլետ Ասատրյանի, Նիկոլ Փաշինյանի վերաբերյալ 2010 թվականին կայացած դատավճիռը բեկանեց և նրան Մարտի 1-ի գործով արդարացնելու որոշում կայացրեց:
Նշենք, որ Նիկոլ Փաշինյանին արդարացնելու պահանջով Վճռաբեկ դատարան էր դիմել գլխավոր դատախազ Արթուր Դավթյանը՝ հիմքում դնելով ՄԻԵԴ որոշումը: Ըստ Վճռաբեկ բողոքի, 2008-ի մարտի 1-ին Նիկոլ Փաշինյանի ելույթը չի պարունակել բռնության որևէ կոչ։
Հիշեցնենք՝ 2008 թվականի արյունալի իրադարձություններից հետո Փաշինյանը 2010-ին դատապարտվել էր 7 տարվա ազատազրկման՝ զանգվածային անկարգություններ կազմակերպելու համար։
Բանտում ավելի քան երկու տարի անցկացնելուց հետո նա համաներմամբ ազատ էր արձակվել։ Եվրոպական դատարանը գտել էր, որ 2008 թ. մարտի 1-ի և դրան հաջորդած իրադարձությունների համատեքստում խախտվել են Փաշինյանի ազատության և անձնական անձեռնմխելիության, ինչպես նաև խաղաղ հավաքներ անցկացնելու իրավունքները:
Ըստ վճռի՝ Նիկոլ Փաշինյանը ենթարկվել է հետապնդման նաև նրա համար, որ ակտիվորեն ներկայացրել է իր քաղաքական դիրքորոշումները։
Մանրամասները՝ տեսանյութում:
