Քաղաքականություն
07.04.2022 | 21:02Հայկական կողմի ակնկալիքն ու առաջնահերթությունն առաջիկայում պետք է լինի մի քանի բան՝ վստահ լինել, որ Արցախի բնակչությունը կկարողանա այնտեղ ապրել, վստահ լինել, որ նրանց իրավունքներն ապահովված են և կկարողանան պահպանել իրենց ինքնությունը՝ կրթական, մշակութային և այլ առումներով, միաժամանակ, այդ ապրելն արժանապատիվ կլինի։ Այս տեսակետի հեղինակ Երևանի մամուլի ակումբի նախագահ Բորիս Նավասարդյանը Factor TV-ի հետ զրույցում նաև ընդգծում է՝ այս մոտեցումը պետք է լինի բանակցություններում կողմերի ընդունած մոտեցումը։
«Թե այս ամենն ինչ կարգավիճակ է ենթադրում, ես կարծում եմ՝ այսօր իրատեսորեն այդպիսի կարգավիճակն անպատկերացնելի է՝ հաշվի առնելով կողմերի միջև հակասությունները։ Հայաստանի դիվանագիտության նպատակը պիտի լինի այն ժամանակավոր կարգավիճակը պահպանելը, որ Արցախն ունի այսօր՝ ապահովելով այդ կարգավիճակի անվտանգությունը և անձեռնմխելիությունը»,- ասում է նա։
Ըստ Բորիս Նավասարդյանի՝ այժմ պահանջել դիվանագիտությունից մոտակա ժամանակներում համաձայնեցնել կամ հասնել ինչ-ինչ կարգավիճակի հստակեցման, լուրջ չէ։
Հարցազրույցն ամբողջությամբ՝ տեսանյութում։
Ռոբերտ Անանյան
