Սերժ Սարգսյանը դատարանի բակում գոռում էր Արցախի մասին. լավ գիտեր՝ ինչ փուլում է բանակցային գործընթացը. Արուսյակ Ջուլհակյան. ՏԵՍԱՆՅՈՒԹ

Սերժ Սարգսյանը օրեր առաջ լրագրողների հետ ճեպազրույցում նշեց, որ իրենք ամեն ինչ արել են, որպեսզի Արցախի խնդրին խաղաղ լուծում տրվի, և մեղավոր չեն, որ 2018-ին իշխանության եկան մարդիկ, որոնք ասացին՝ սեփական կետից ենք սկսում բանակցությունները: Սարգսյանի խոսքով՝ այսպիսի կոնֆլիկտների լուծման համար ոչ թե 30, այլ հաճախ 40 և ավելի տարիներ են պահանջվում:

Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր Արուսյակ Ջուլհակյանը նշեց, որ արցախյան հակամարտության պես կոնֆլիկտների լուծումն իսկապես բարդ է:

«Ինչ վերաբերում է Սերժ Սարգսյանի այն տեսակետին, թե 2018-ի հեղափոխության պատճառով այդ կոնֆլիկտի լուծման համար խոչընդոտներ են առաջացել, կարծում եմ՝ երրորդ նախագահը ստում է:

Այս համատեքստում բոլորի ուշադրությունն ուզում եմ հրավիրել մի հանգամանքի վրա, երբ դեռևս պատերազմից առաջ Սերժ Սարգսյանի դատավարության ժամանակ վերջինս դատարանի բակում բարձրախոսով գոռում էր, թե Արցախը երբեք չի լինելու Ադրբեջանի կազմում: Այն ժամանակ բոլորի մոտ դա ծիծաղ առաջացրեց: Հիմա հետահայաց նայելով՝ պարզ է դառնում, որ նա շատ լավ հասկանում էր, ինչ է խոսում, քանի որ շատ լավ գիտեր, թե ինչ ժառանգություն է թողել մեզ, և թե ինչ փուլում է բանակցային գործընթացը. մի բան բանակցել են, այլ բան ներկայացրել, անկեղծ չեն եղել ժողովրդի հետ և չեն տեղեկացրել, թե ինչ տարբերակներ կան»,- նշեց պատգամավորը:

Մանրամասները՝ տեսանյութում: