28.03.2026 | 14:36
ԱՄՆ-ն ոչնչացրել է Իրանի հրթիռների միայն մեկ երրորդը․ Reuters
Դանիան արտաքսում է 15 ռուս դիվանագետի
Քաղաքականություն
05.04.2022 | 14:13
Դանիայի կառավարությունը որոշում է կայացրել արտաքսել 15 ռուս դիվանագետի։ Այս մասին հայտարարել է երկրի արտաքին գործերի նախարար Եփփե Քուֆուդը՝ Արտաքին քաղաքականության խորհրդի արտահերթ նիստից հետո, գրում է ՏԱՍՍ-ը։
«Կառավարությունը Դանիայից արտաքսում է ռուս 15 հետախույզների, նրանք պետք է լքեն երկիրը մոտակա 14 օրվա ընթացքում։ Սա պատմական քայլ է, որն անում ենք մեր կողմից։ Բայց նաև մենք դա անում ենք մեծ թվով եվրոպական երկրների հետ, քանի որ ցանկանում ենք պաշտպանել մեր անվտանգությունը»,- ասել է նա։
Հաղորդվում է նաև, որ որոշման մասին տեղեկացվել է Դանիայում Ռուսաստանի դեսպանը։
Դանիայի ԱԳՆ հաղորդագրության մեջ նշվում է, որ երկիրը չի ցանկանում խզել դիվանագիտական հարաբերությունները Մոսկվայի հետ, ուստի դեսպանը և մի շարք այլ աշխատակիցներ չեն վտարվի։
Էմմա Չոբանյան
