Տնտեսություն
05.04.2022 | 13:04ԱԺ «Հայաստան» խմբակցության պատգամավոր Աղվան Վարդանյանն առաջարկում է նվազագույն աշխատավարձը դարձնել 80 հազար դրամ։ «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին օրենքի նախագիծը պատգամավորը ներկայացրեց ԱԺ աշխատանքի և սոցիալական հարցերի մշտական հանձնաժողովի նիստում։
Աշխատանքի և սոցիալական հարցերի փոխնախարար Ռուբեն Սարգսյանը նշեց, որ պատգամավորի ներկայացրած նախագծում բացակայում են տնտեսական հիմնավորվածության տեսանկյունից վերլուծությունները: Նրա խոսքով՝ նվազագույն ամսական աշխատավարձի չհիմնավորված բարձրացումը կարող է հանգեցնել ՀՆԱ-ի և գործազրկության մակարդակի բարձրացման, ինչը կարող է բերել նաև գնաճի ճնշումների:
Երկար քննարկումից հետո նախագիծը հանձնաժողովում ստացավ բացասական եզրակացություն:
Մանրամասները՝ տեսանյութում։
