28.03.2026 | 19:00
Եթե Գզոյանի նվիրած գիրքը «սադրիչ էր»,ինչո՞ւ է ԿԳՄՍ նախարարությունը հեղինակին պարգևատրել. Մանուկյան․ ՏԵՍԱՆՅՈւԹ
ԱԻ նախարար Անդրանիկ Փիլոյանը ձերբակալվել է
Հասարակություն
30.03.2022 | 22:26
Մոտ մեկ ժամ առաջ ձերբակալվել է արտակարգ իրավիճակների նախարար Անդրանիկ Փիլոյանը։ Այս մասին Factor.am-ի հետ զրույցում ասաց Հակակոռուպցիոն կոմիտեի մամուլի քարտուղար Մարինա Օհանջանյանը։
Թե կոնկրետ ո՞ր քրեական գործով է Փիլոյանն անցնում, կառույցն այս պահին մանրամասներ չի ներկայացնում։
Նշենք, որ քրեական գործի շրջանակում, ի թիվս ԱԻՆ տասնյակ աշխատակիցների, Հակակոռուպցիոն կոմիտեում հարցաքննվել է նաև Անդրանիկ Փիլոյանը, որն այս պահին գտնվում է արձակուրդում։
Հիշեցնենք՝ օրեր առաջ իրավապահները խուզարկություն էին իրականացրել ՀՀ Արտակարգ իրավիճակների նախարարությունում։ Տեղեկությունը Factor.am-ի հետ զրույցում հաստատել էր Հակակոռուպցիոն կոմիտեի խոսնակը:
«Քննչական գործողություններն իրականացվում են Կոմիտեում քննվող քրեական գործի շրջանակում։ Այլ տեղեկատվություն այս պահին չեմ կարող տրամադրել՝ նախաքննության շահերից ելնելով»,- նշել էր Օհանջանյանը։
Ավելի ուշ հայտնի էր դարձել, որ վարչապետ Նիկոլ Փաշինյանի որոշմամբ՝ ԱԻ նախարար Անդրանիկ Փիլոյանին տրամադրվել է երկշաբաթյա արձակուրդ։ Այս պահին նրան փոխարինում է ՀՀ արտակարգ իրավիճակների նախարարի առաջին տեղակալ Արմեն Փամբուխչյանը։
Ռոզա Վարդանյան
