10.10.2026 | 13:36
Հայտնաբերվել է զինծառայողի դի՝ հրազենային վնասվածքով․ ՊՆ
ՀԿԵ-ն և ՀՀ ԱԻՆ-ը համատեղ վարժանքներ են անցկացրել երկաթուղային տրանսպորտում
30.03.2022 | 18:17
Մարտի 30-ին «Հարավկովկասյան երկաթուղի» ընկերությունը և Հայաստանի արտակարգ իրավիճակների նախարարությունը համատեղ վարժանքներ են անցկացրել երկաթուղային տրանսպորտում տարբեր տեսակի արտակարգ իրավիճակների կիրառման նպատակով։ Վարժանքներին հետևել են Հարավկովկասյան երկաթուղու ղեկավարությունը և արտակարգ իրավիճակների նախարարությունը․ տեղեկացնում են ՀԿԵ-ից։
Մասնավորապես, մոդելավորվել է երեք արտակարգ իրավիճակ. Առաջինը երկաթուղային գծերի վրա մարդատար գնացքի բախումն է՝ այրվող վագոնից տուժած ուղեւորների տարհանմամբ։Երկրորդ սցենարը ենթադրում էր քիմիական նյութի արտահոսք երկաթուղային ցիստեռնից, երրորդը ՝ վառելանյութով ցիստեռնի բռնկում ։ Վարժանքները անցկացվել են ԱԻՆ հատուկ տեխնիկայի և «Հարավկովկասյան երկաթուղի» ընկերության «Վերականգնման և հրդեհաշիջման գնացքներ» ձեռնարկության աշխատակիցների ներգրավմամբ, որոնք ունեն փրկարարի որակավորում։
ՀԿԵ գլխավոր տնօրեն Ալեքսեյ Մելնիկովը նշել է «Վերականգնման և հրդեհաշիջման գնացքներ» ձեռնարկության աշխատակիցների պատրաստվածության բարձր աստիճանը. “գերազանց աշխատեցիք, ոչնչով չեք զիջում ԱԻՆ աշխատակիցներին, որոնք ցույց տվեցին վարպետության բարձր աստիճան”, – ասել է Նա: Համոզված եմ, որ ձեռնարկությունը պատրաստ է իրադարձությունների զարգացման տարբեր սցենարների։
