16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Մարմինները գետնին գցած են. իրավիճակը Մարիուպոլում՝ ըստ Ուկրաինայի հայերի միության փոխնախագահի․ ՏԵՍԱՆՅՈՒԹ
Քաղաքականություն
29.03.2022 | 19:15
Պատերազմի ամենաթեժ կետը Մարիուպոլ քաղաքն է, սարսափելի իրավիճակ է այնտեղ: Այս մասին Factor TV-ի հետ զրույցում ասաց Ուկրաինայի հայերի միության փոխնախագահ Դավիթ Մկրտչյանը։
«Նրանք, ովքեր կարողանում են դուրս գալ Մարիուպոլից, պատմում են, որ թե՛ զինվորականների, թե՛ խաղաղ բնակիչների մարմինները գետնին գցած են, և ոչ մեկը չի կարողանում մոտենալ, որովհետև քաղաքում ռազմական գործողությունները չեն դադարում։ Բնակիչները չունեն գազ, ջուր, էլեկտրականություն, կապի միջոցները չեն գործում, նույնիսկ ապաստարաններն են ռմբակոծվում։ Քաղաք սննդամթերք, ջուր, վառելիք տանելու համար հումանիտար միջանցքներ են կազմակերպվում»,- ասաց նա։
Վերջին տասն օրվա ընթացքում շուրջ 450․000 բնակչություն ունեցող Մարիուպոլից ընդամենը 90․000 մարդ է դուրս եկել։
Ըստ Դավիթ Մկրտչյանի՝ Խարկով քաղաքում ևս ծանր իրավիճակ է, համեմատաբար խաղաղ է մայրաքաղաք Կիևում, սակայն ժամանակ առ ժամանակ հրթիռակոծություններ լինում են։
Մանրամասները՝ տեսանյութում։
Արփի Հակոբյան
