16.12.2025 | 17:07
Ադրբեջանի նախկին փոխվարչապետի նկատմամբ հետախուզում է հայտարարվել հեղաշրջման գործով
Կազինոներում կրվում էիք, Ղարաբաղը պաշտպանեիք. հիմա որքա՞ն պիտի կռվենք հարևան երկրների հետ. Սուքիասյան․ ՏԵՍԱՆՅՈՒԹ
Քաղաքականություն
28.03.2022 | 17:40
«Ղարաբաղի իշխանություններին ամենամեծ կարգավիճակ տվողը, ամենամեծ գումար տվողն այս կառավարությունն է եղել»,- այս մասին այսօր ԱԺ Տարածաշրջանային և եվրասիական ինտեգրման հարցերի մշտական հանձնաժողովի նստում նշեց «Քաղաքացիական պայմանագիր» խմբակցության պատգամավոր Խաչատուր Սուքիասյանը՝ անդրադառնալով «Հայաստան» խմբակցության պատգամավոր Անդրանիկ Թևանյանի այն դիտարկմանը, թե «այս կառավարությունը ձեռքերը լվացել է Արցախից և պատերազմական իրավիճակում «խաղաղության դարաշրջան» մանտրան է կրկնում»:
«Դարեր շարունակ այս տարածաշրջանը դարձրել են պատերազմական գոտի, բայց ինչքա՞ն պետք է կռվենք, ավերվենք, մեր երիտասարդները զոհվեն… Հարաբերությունների այս վարվելակերպը, այս մտածելակերպը պետք է վերանա այս տարածաշրջանից… Կա դիվանագիտական ինստիտուտ, որն իր աշխատանքն է կատարում… Ի՞նչ ենք ուզում մենք. մենք մեր սերուդների առջև պարտավորություն չունե՞նք, չե՞նք կորող զարգացած տարածք ստեղծել, տարածաշրջան ստեղծել, մեկս մյուսի հետ նորմալ հարևանություն անել, եղբայր ազգեր կան, եղբայր պետություններ կան, եղբայրություն անենք, մենք իրենց համար ցավանք, իրենք՝ մեզ համար:
Ի՞նչ ենք ուզում, մեր հնարավորությունները գնահատե՞լ եք: 30 տարի հարց տվե՞լ եք, էդ փողերը, որ թալանել ու կազինոներում կրվել եք, էդ փողերը որ հանել-տարել եք դրսերում շենքեր եք ձեռք բերել, ինչի՞ համար եք արել, զենք առնեիք,Ղարաբաղը պաշտպանեիք, բանակ ստեղծեիք առողջապահություն ստեղծեիք: Նկատի ունեմ, որ մենք լուրջ խնդիրներ ունենք, ու ամեն անգամ կռիվներ ենք անում, չգիտեմ սրա անունն ինչ է…
Մեր շատ եղբայր պետություններ պետք է գիտակցեն, որ պետք չէ պատերազմ, կոնֆլիկտ ստեղծել, այլ պետք է մեկս մյուսին աջակցենք, որ կարողանանք զարգանալ, մեկ է՝ հարևաններ ենք, պետք է դարերով ապրենք նույն տեղում»,- նշեց Սուքիասյանը:
Մանրամասները՝ տեսանյութում:
